Ինչ որոշում կկայացնի «Ծառուկյան» դաշինքը Արմեն Սարգսյանի թեկնածությունը պաշտպանելու հարցում
«Ծառուկյան» խմբակցության պատգամավոր Սերգեյ Բագրատյանը լրագրողների հետ հանդիպմանը անդրադարձավ այն հարցին,թե նախագահի թեկնածու Արմեն Սարգսյանն ու «Ծառուկյան» դաշինքի անդամները երբ կհանդիպեն.«Գագիկ Ծառուկյանը հանրապետությունում չէ, կվերադառնա`հանդիպման օրն ու ժամը հստակ կլինի»: «Այն հարցերը, որոնք ուղղվելու են նախագահի թեկնածուին, լինելու են քաղաքական տրամաբանության մեջ: Նրա պատասխաններից է կախված մեր որոշումը: Վստահ եղեք, որ ցանկացած որոշում կշռադատված է լինելու եւ ի շահ ժողովրդի:Չի բացառվում նաեւ Արմեն Սարգսյանին պաշտպանելու որոշում ընդունենք»,- ասաց պատգամավորը : Սերգեյ Բագրատյանն Արմեն Սարգսյանին անձամբ չի ճանաչում, բայց անձերի մասին չի խոսում, անձերի հետ հույսեր չի կապում. «Դա քաղաքագիտական սխալ է, ինստիտուտները պիտի կայացնենք»:
Հետևեք մեզ Viber-ում
