3-ամյա երեխայի պատանդառուն բանտում զրույց է ունեցել քրեական հեղինակությունների հետ

2017 թվականի hոկտեմբերի 30-ին Արմավիր քաղաքի «Մանուշակ» մանկապարտեզում 3-ամյա երեխային պատանդ վերցնելու և սպանության փորձի գործով կալանավոր Արգամ Հովիկյանին նոր մեղադրանք կառաջադրվի: Այս մասին Armtimes.com-ի հետ զրույցում ասել է նրա պաշտպան Արսեն Սարգսյանը: Հովիկյանը հոկտեմբերի 30-ին ներխուժել էր «Մանուշակ» մանկապարտեզի տարածք և պահանջել նախկին կնոջը: Մանկապարտեզ մտնելուն պես նա դանակով հարձակվել էր նախկին կնոջ տատի՝ մանակապարտեզի վարիչ Ռոզա Վարդանյանի վրա, իսկ երբ նախկին կինն էր հասել, նրան նույնպես վնասվածքներ էր պատճառել. կնոջը հաջողվել էր դիմել փախուստի, ինչից հետո Արգամ Հովիկյանը կողքի սենյակում գտնվող 3-ամյա Հմայակին պատանդ էր վերցրել: Իրավապահները շուրջ 4 ժամ բանակցություններ վարեցին և վնասազերծելով պատանդառուին՝ կարողացան փրկել 3-ամյա փոքրիկին: Սակայն վնասազերծելու պահին արգամ Հովիկյանը հասցրել էր ինքնավնասում կատարել: Նա մի քանի օր գտնվեց հիվանդանոցում ապա տեղափոխվեց «Արմավիր» ՔԿՀ: Նրան մեղադրանք է առաջադրվել երկու կամ ավելի անձանց սպանության փորձի և ակնհայտ անչափահասին զենքի գործադրմամբ պատանդ վերցնելու համար: Մամուլում պարբերաբար գրվում է, թե քրեական աշխարհի ներկայացուցիչները որոշել են պատժել Արգամ Հովիկյանին՝ անձնական խնդիրների համար երեքամյա երեխային պատանդ վերցնելու համար: Մանրամասները՝ սկզբնաղբյուր կայքում