Նոր մանրամասներ Երևանում փոխգնդապետի դանակահարության դեպքից

Խանջյան փողոցի վրա գտնվող «Թեքեյան» մշակութային կենտրոնի մոտ դանակահարել էին փոխգնդապետի: ՀՀ ոստիկանության հասարակայնության հետ կապերի և լրատվության վարչությունից տեղեկացնում են, որ ժամը 14:15-ին կտրած-ծակած վերքերով հիվանդանոց է տեղափոխվել մի քաղաքացի: Ոստիկանության աշխատակիցները պարզել են վնասվածք հասցնող անձի ինքնությունը և բերման ենթարկել ոստիկանության բաժին: Ոստիկանության հասարակայնության հետ կապերի և լրատվության վարչությունից տեղեկացնում են, որ դանակահարված 43-ամյա տղամարդը ՊՆ ավիացիայի օդաչու է, կոչումով փոխգնդապետ: Նրան դանակահարելու մեջ կասկածվողը 37- ամյա տղամարդ է: Նախնական տեղեկություններով, նրանց միջև վիճաբանություն է տեղի ունեցել, որն ավարտվել է դանակահարությամբ, որի հետևանքով փոխգնդապետը վնասվածք է ստացել թոքի հատվածում: Կասկածյալը ձերբակալվել է: Կատարվում է նախաքննություն: