Արտառոց դեպք. Բրիտանացի լորդն ուշացել է նիստից և ամոթից հրաժարական է տվել
Մեծ Բրիտանիայի Լորդերի պալատի անդամ, միջազգային զարգացման հարցերի փոխնախարար Մայքլ Բեյթսը ուշացել է խորհրդարանի նիստից, ներողություն է խնդրել եւ հրաժարական է տվել հենց ժողովի ժամանակ: Տեղի ունեցածի մասին հայտնել է The Washington Post-ը։
Բեյթսն ընդամենը մի քանի րոպե էր ուշացել, սակայն իրեն մեղավոր է զգացել. «Ես շատ եմ ամաչում տեղի ունեցածի համար, ուստի վարչապետի առջեւ իմ պաշտոնից հրաժարվում եմ հենց հիմա»,-հայտարարել է նա գործընկերներին:
Մինչդեռ Մեծ Բրիտանիայի վարչապետ Թերեզա Մեյը հրաժարվել է ընդունել միջազգային զարգացման հարցերի փոխնախարար Մայքլ Բեյթսի հրաժարականը:
Հետևեք մեզ Viber-ում
