Վարչապետը հրաժարական է տալու.երբ
«Կառավարության կառուցվածքի և գործունեության մասին» օրենքի նախագծով Սահմանադրության 158-րդ հոդվածի համաձայն՝ Կառավարությունը Հանրապետության նախագահին ներկայացնում է իր հրաժարականը նորընտիր Ազգային ժողովի առաջին նստաշրջանի, Կառավարությանը վստահություն չհայտնելու, Կառավարության ծրագրին հավանություն չտալու, վարչապետի կողմից հրաժարական ներկայացվելու կամ վարչապետի պաշտոնը թափուր մնալու օրը: Նախագիծն արժանացավ հավանության:
Վարչապետը պարտավոր է հրաժարական ներկայացնել, երբ կորցրել է Հայաստանի Հանրապետության քաղաքացիությունը կամ ձեռք է բերել այլ պետության քաղաքացիություն, խախտել է սույն օրենքով սահմանված անհամատեղելիության պահանջները:
Նախագծում նշվում է` համարվում է, որ վարչապետի պաշտոնը թափուր է այն դեպքերում, երբ վարչապետը մահացել է, վարչապետի նկատմամբ կայացված մեղադրական դատավճիռը մտել է օրինական ուժի մեջ, վարչապետին անգործունակ, սահմանափակ գործունակ կամ անհայտ բացակայող ճանաչելու մասին վճիռը մտել է օրինական ուժի մեջ:
«Եթե վարչապետն իր նշանակումից հետո հնգօրյա ժամկետում Հանրապետության նախագահին չի առաջարկում փոխվարչապետների և նախարարների թեկնածուներին՝ առնվազն երկու երրորդին, ապա համարվում է, որ վարչապետը հրաժարական է ներկայացրել», -նշված է նախագծում:
Հետևեք մեզ Viber-ում
