Ջիգարխանյանի կինը մանրամասներ է հայտնում դերասանի վիճակի մասին

  «Արմեն Բորիսովիչը պարզապես չի հասցրել լավանալ: Նա հիվանդանոցից վազեց զագս Փետրվարին նա թոքերի բորբոքմամբ հիվանդանոց էր ընկել: Գրիպից հետո բարդություններ էին առաջացել: Սակայն հանուն մեր ամուսնության նա հիվանդանոցից դուրս գրվեց՝ առանց ավարտելու նշանակված բուժումը ու հետո ամեն օր գնում էր աշխատանքի: Ահա, ստիպված եղավ նորից բուժվել: Ոչ մի սրտաբանական ախտորոշում չկա: Նրան նշանակել են անհրաժեշտ թերապևտիկ պրոցեդուրաներ: Կարծում եմ, նա վերջնականապես կբուժվի շաբաթվա ընթացքում»,- Արմեն Ջիգարխանյանի կինը նոր մանրամասներ է հայտնել դերասանի առողջական վիճակի մասին: Ինչպես ավելի վաղ տեղեկացրել էինք, ԽՍՀՄ ժողովրդական արտիստ Արմեն Ջիգարխանյանը հոսպիտալացվել է Սկլիֆոսովսկու անվան շտապօգնության ինստիտուտ: Հիվանդանոցը հաստատել էր տեղեկությունը: Ռուսական ԶԼՄ-ները հայտնում են, թե 80-ամյա դերասանը ինֆարկտ է տարել, սակայն Ջիգարխանյանի երիտասարդ կինը՝ 36-ամյա Վիտալինա Ցիմբալյուկը, kp.ru-ի հետ զրույցում հերքել է այդ լուրերը: