Միհրան Պողոսյանի որդին դրսում կսովորի՞. հայրը նախագիծ է առաջարկում
ՀՀԿ խմբակցության պատգամավոր Միհրան Պողոսյանը նախագիծ է ներկայացրել: «Զինվորական ծառայության եւ զինծառայողի կարգավիճակի մասին» Հայաստանի Հանրապետության օրենքում լրացում կատարելու մասին նախագծով առաջարկվում է թույլատրել դպրոցահասակ տղաներին շարունակել ուսումը օտարերկրյա դպրոցական հաստատություններում, երբ լրանում է զորակոչի տարիքը: Լրագրողները պատգամավորից հետաքրքրվեցին՝ օրենքում նման լրացում կատարելու նպատակն արդյոք այն է, որ իր որդին սովորելու է օտարերկրյա դպրոցում, որի ի պատասխան նշեց, որ աղջիկը սովորում է Ամերիկյան համալսարանում, իսկ տղաները սովորում են դպրոցում: «Ես այս նախագիծը նաեւ ձեր երեխաների համար եմ ներկայացնում: Մենք պետք է հասկականք մի բան, որ պետք չի մասնավորեցնել դեպքերը: Խնդիրն այն է, որ 18 տարին լրացած տղաների մի զանգված, որոնք սովորում են օտար ափերում, ՀՀ քաղաքացի են, բայց չավարտելով դպրոցը խնդիր են ունենում բանակ գնալու հետ: Հայաստանում սովորողները չունեն այդ խնդիրը, որովհետեւ նրանց տարկետում է տրվում»,- չհերքեց նա:
Հետևեք մեզ Viber-ում
