Ռուբիոն և Բայրամովը անդրադարձել են Հայաստանի հետ խաղաղության գործընթացին

Ադրբեջանի արտաքին գործերի նախարար Ջեյհուն Բայրամովը և ԱՄՆ պետքարտուղար Մարկո Ռուբիոն հեռախոսազրույցի ընթացքում քննարկել են երկու երկրների ռազմավարական գործընկերության զարգացումը և Բաքվի ու Երևանի միջև խաղաղության գործընթացի առաջընթացը, հաղորդում է Ադրբեջանի արտաքին գործերի նախարարությունը։

Կողմերը քննարկել են երկկողմ հարաբերությունների վիճակը և համագործակցության ապագա ոլորտները։ Զրույցի ընթացքում նշվել է, որ ադրբեջանա-ամերիկյան ռազմավարական գործընկերությունը զգալիորեն ամրապնդվել է 2025 թվականի օգոստոսի 8-ին Վաշինգտոնում կայացած պատմական գագաթնաժողովից ի վեր։

Բայրամովը և Ռուբիոն ընդգծել են Ադրբեջան-ԱՄՆ ռազմավարական գործընկերության խարտիայով սահմանված առաջնահերթ ոլորտների վերաբերյալ խմբերի աշխատանքի կարևորությունը։ Քննարկումից հետո կողմերը նաև նշել են գործընկերության շրջանակներում 2026 թվականին կատարված աշխատանքը։

Հեռախոսազրույցի ընթացքում քննարկվել են նաև էներգետիկայի, ներդրումների, թվային տեխնոլոգիաների, առևտրի և այլ ոլորտներում ԱՄՆ-Ադրբեջան համագործակցությանը վերաբերող հարցեր։

Կողմերը մտքեր են փոխանակել նաև փոխադարձ հետաքրքրություն ներկայացնող այլ հարցերի շուրջ։