Արմեն Սարգսյանը շրջում է կնոջը պատկանող թանկարժեք մեքենայով (լուսանկարներ)

«Հայկական ժամանակ» թերթը գրում է. «Նախագահի ՀՀԿ-ի թեկնածու, Մեծ Բրիտանիայում Հայաստանի արտակարգ և լիազոր դեսպան Արմեն Սարգսյանը երեկ ՀՀԿ-ի և ՀՅԴ-ի գրասենյակներ էր այցելել «Cadillac Escalade» ավտոմեքենայով: «Հայկական Ժամանակ»-ին հայտնի դարձավ, որ «55 VV 077» պետհամարանիշով «Cadillac Escalade» ավտոմեքենայի սեփականատերը Արմեն Սարգսյանը չէ: Սույն մեքենան Սարգսյանի և նրա հետ փոխկապակցված անձանց հայտարարագրերում բացակայում է: Արմեն Սարգսյանի գրասենյակի հանրային կապերի աշխատանքը համակարգող Հասմիկ Պետրոսյանից հետարքրվեցինք՝ ո՞ւմ է պատկանում Սարգսյանին սպասարկած «Cadillac Escalade» ավտոմեքենան: «Մեքենան ընտանեկան սեփականություն է»: Ճշտող հարցին՝ այդ դեպքում ինչո՞ւ հայտարարագրված չէ իր կամ տիկնոջ՝ Նունե Սարգսյանի հայտարարագրում, Հասմիկ Պետրոսյանը պատասխանեց, որ մեքենան իսկապես Նունե Սարգսյանի անունով է ձեւակերպված, սակայն հայտարարագրում բացակայում է այն պատճառով, որ ձեռք է բերվել 2013 թվականից առաջ: Պաշտոնյաների հետ փոխկապակցված անձինք ներկայացնում են միայն տարեկան հայտարարագիրը: Առավել մանրամասն՝ թերթի այսօրվա համարում: