Ղազախ միլիոնատիրոջ ֆինանսավորմամբ կվերականգնվի Շուշիի Գյովհար Աղայի վերին մզկիթը

««Հայաստանի զարգացման հեռանկարները» ֆոնդի դոնորներից ղազախ միլիոնատեր Քայրաթ Բոնանբաեւվը մտադիր է ներդնել իր ունեցվածքի մի մասը՝ Շուշի քաղաքի Գյովհար Աղայի Վերին մզկիթի վերականգնման համար: Այդ ծրագիրը հնարավորություն կտա ոչ միայն ներկայացնել շրջանի պատմա-մշակութային ժառանգությունը, այլեւ նոր զբոսաշրջային վայր կավելացնի Արցախի քարտեզում»,-այս մասին ասված է ֆոնդի ֆեյսբուքյան էջում: Քայրաթ Բոնանբաեւը ղազախ բիզնեսմեն է, «Մակդոնալդս» ցանցի Ղազախստանի ու Բելառուսի մասնաճյուղերի սեփականատեր: Իր 350 միլիոն դոլար կարողությամբ նա ներառված է Ղազախստանի ամենահարուստ մարդկանց ցանկում՝ ըստ Forbes ամսագրի: Գյովհար Աղայի վերին մզկիթը գտնվում է Լեռնային Ղարաբաղի Հանրապետության Շուշի քաղաքի ութ վերին թաղամասերից մեկում։ Երբ 1992 թվականին Շուշին ազատագրվեց մզկիթը դադարեց իր գորղոծությունը որպես կրոնական կառույց։ 2005-2007 թթ. դրությամբ մզկիթը գտնվում էր կիսաքանդ վիճակում՝ բացակայում էր վերնաճակատը և վնասված էին երեսպատելու սալիկները։ 2007 թվականին հաղորդել են Շուշիի մզկիթների վերականգնման նախագծի մասին։ 2008-2010 թթ. ընթացքում ԼՂՀ տարածքում իսլամական մշակութային ժառանգության պահպանմանն ուղղված աշխատանքներ են իրականացվել։ Ինչպես հայտնել է ԼՂՀ կառավարության զբոսաշրջության վարչության պետ Սերգեյ Շահվերդյանը, 2009-ի սկզբին վերականգնվել է Շուշիի վերին մզկիթի տանիքը և մաքրեվել է մզկիթին հարակից տարածքը։