Մեծահարուստ չեմ ծնվել.Արմեն Սարգսյանը՝ծանր մանկության մասին

Մեծահարուստ չեմ ծնվել: Ապրել եմ, ինչպես`դուք, գուցե ապրել եմ ավելի ծանր մանկություն: Այս մասին Շանթ հեռուստաընկերության հետ զրույցում ասաց  Հանրապետական կուսակցության կողմից ՀՀ 4-րդ նախագահի պաշտոնին առաջադրված Արմեն Սարգսյանը։ «Մեծահարուստ չեմ ծնվել: Ապրել եմ, ինչպես`դուք, գուցե ապրել եմ ավելի ծանր մանկություն: Հորս կորցրել եմ 10 տարեկանում: Մայրս ինձ ու քրոջս պահելու համար աշխատել է երկու տեղ` առավոտյան 7-ից մինչև երեկոյան 7-ը»,- պատմեց  Արմեն Սարգսյանը։ «Մորս  դուր էր գալիս, որ ես դպրոցում ամենալավ հագնվածը,  սնվածը լինեի, ես կապիտալով չեմ ծնվել: Երբ ուսանողական տարիներից սկսեցի փող վաստակել, կյանքիս ընթացքում ինչի հասել եմ, հասել եմ իմ աշխատանքի միջոցով: Եթե  ես դառնամ նախագահ, իմ նպատակը կլինի տնտեսություն ու աշխատատեղեր ստեղծելը, բացի այդ, այն կրթութոյւնը, որ ես ստացել եմ իմ կյանքում ու ընտանիքում, թույլ չի տա աղքատին կամ հարուստին արհամարհել»,շարունակեց նա: Խոսելով երկրում 30 տոկոս աղքատության ցուցանիշի մասին՝ Արմեն Սարգսյանը նշել է, որ հարցը բարեգործությամբ չի լուծվելու. «Չեմ կարծում, որ մեկը կարող է բարեգործությամբ լուծել հարցը: Հարցի լուծման ճանապարհը հստակ է` աշխատանք ունենալ և վարձատրվել այդ աշխատանքի համար, պահել իր արժանապատվությունը, դրանով դուրս գալ աղքատությունից: Եթե առաջադրվեմ և դառնամ ՀՀ նախագահ, իմ բոլոր ջանքերը ներդնելու եմ տնտեսությունը զարգացնելուն, աշխատատեղեր ստեղծելուն: Ներդրումներ ունենալն ինքնանպատակ չէ»,- նշեց Սարգսյանը։