Moody’s-ը մտադիր է իջեցնել Ռուսաստանի վարկանիշը

Moody’s Investors Service միջազգային վարկանիշային գործակալությունը վերանայելու եւ հավանաբար նվազեցնելու է Ռուսաստանի պետական պարտաթղթերի վարկանիշը: 2015 թ դեկտեմբերին Moody’s-ը Ռուսաստանի վարկային վարկանիշը պահպանել էր «Ba1» մակարդակում, «կայուն» կանխատեսումով: Իսկ հիմա գործակալությունը մտադիր է երկու ամսվա ընթացքում վերանայել Ռուսաստանի վարկանիշը՝ դրա հավանական նվազեցման հեռանկարով: Moody’s-ն այս որոշումը բացատրում է Ռուսաստանի տնտեսական ցուցանիշների կախումով նավթի գներից, որոնք դեռ եւս մի քանի տարի ցածր են մնալու: Moody’s-ը մասնավորապես ուշադրություն է դարձնում այն բանի վրա, որ ՌԴ կառավարությունը իր կանխատեսումներում առաջնորդվում է նավթի այս տարվա միջին գնով ՝ բարելի դիմաց 40 դոլար ու գալիք տարվա գնով՝ բարելի դիմաց 45 դոլար: Սեփական կանխատեսումների հարցում ունեցած տարաձայնությունների պատճառով գործակալության վերլուծաբանները ակնկալում են բյուջետային դեֆիցիտի զգալի աճ, հայտնում է НТВ.Ru–ը: Այդ կապակցությամբ Moody’s–ը ռիսկային է համարում նավթի ցածր գների փոխհատուցման համար ՌԴ կառավարության չափազանց մեծ կախման ձեւավորումը ռուբլու փոխարժեքի թուլացումից, կամ էլ կենտրոնական բանկի ֆինանսավորումից: Երկու տարբերակներն էլ կդառնան գնաճի բավականին բարձր տեմպերի պահպանման պատճառ ու կվտանգեն ռուսական բանկային համակարգի կայացումը, նշում է գործակալությունը: