Ամերիկացի սենատորները կոչ են արել «կրեմլյան զեկույցում» ներառել նաև Կամո Ավագումյանին

Չորս ամերիկացի հանրապետական սենատորներ՝ Գրեմը, Ռուբիոն, Գարդները և Ուիկերը բաց նամակ են հղել պետքարտուղար Ռեքս Թիլերսոնին և կոչ են արել ուշադրություն դարձնել Ռուսաստանի գլխավոր դատախազ Յուրի Չայկային, նրա որդի Արտեմին, որդու բիզնես-գործընկեր Կամո Ավագումյանին, գլխավոր դատախազի տեղակալ Գենադիի նախկին կնոջը՝ Լոպատինա Օլգային, ինչպես նաև ձեռնարկատեր Ալիշերա Ուսմանովային։ Այդ մարդիկ, սենատորների խոսքով, կապված են «կոռուպցիոն նշանակալի գործողությունների» հետ, հաղորդում է «Գոլոս Ամերիկիի»-ն՝ վկայակոչելով ամերիկյան փորձագետ Դենիել Ֆրիդին։ Նրա խոսքով՝ ԱՄՆ ֆինանսների նախարարության «կրեմլյան զեկույց» ցուցակում հայտնվելը չի նշանակում, որ մարդու կամ ընկերության դեմ անմիջապես պատժամիջոցներ կսահմանվեն, սակայն անհրաժեշտության դեպքում դա հեշտ կլինի անել։ «Ես հույս ունեմ, որ Սպիտակ տան վարչակազմը ցուցակը բաց կպահի։ Ես դրա ամենամյա վերանայման իմաստը չեմ տեսնում։ Եթե ցուցակի նպատակը Պուտինի ագրեսիվ ծրագրերին տվյալ դերակատարների մասնակցությունը նվազեցնելն է, ապա պետք է դրանք բաց պահվեն, որ հետագայում ավելի շատ տեղեկություն ունենանք կամ հնարավոր լինի այդ ցուցակից մարդկանց բացառել»,-նշել է Դենիելը՝ հավելելով, որ Ֆինանսների նախարարության ցուցակը Պուտինի մտերիմ շրջապատի վրա ճնշումն ավելացնելու նպատակ է հետապնդում։