«Այո, իրենք իրենց բրիտանացի են զգում Բրիտանիայում ապրելով, բայց հպարտ հայեր են»
Հայաստանի գիտությունների ազգային ակադեմիայում մեկնարկել է ՀՀԿ-ի կողմից նախագահի թեկնածու առաջադրված Արմեն Սարգսյանի հանդիպումը գիտնականների հետ: Հանդիպման մեկնարկից առաջ նա լրագրողների հարցերին ի պատասխան նշեց, որ Հայաստանից չի պատրաստվում հեռանալ: Նա չցաանկացավ պատասխանել հարցերին՝ նշելով, որ կպատասխանիմի քանի օրից: Հիշեցնենք, որ Արմեն Սարգսյանն իր հանդիպումները երեկվանից է սկսել: Առաջինը հանդիպեց իշխանական ուժերի՝ Հանրապետականի և Դաշնակցության ներկայացուցիչներին: Արմեն Սարգսյանն անդրադարձել է նաև իր կնոջ հարցազրույցին, որում նա ասել էր, թե իրենց որդիները իրենց լավ են զգում Լոնդոնում: Հարցին, թե կարո՞ղ են ապրել Հայաստանում, Սարգսյանը պատասխանեց. «Իմ երեխաները՝ երկու տղաները, և՛ Բրիտանիայի, և՛ Հայաստանի քաղաքացիներ են, հետևաբար՝ հավասարաչափ լինելով Բրիտանիայի քաղաքացի, պետք է զգան և ապրեն՝ որպես բրիտանացի, միաժամանակ, լինելով ՀՀ քաղաքացի, պետք է լինեն Հայաստանի քաղաքացի՝ դրանից հետևող բոլոր եզրակացություններով։ Իրենց ոգով, ինչպես իմ կինը ասել է, եթե Daily Mail-ի հոդվածը մանրամասն կարդաք անգլերենով, ապա կտեսնեք, որ այդպես չի հնչում։ Այո, կինս ասել է, որ իրենք իրենց բրիտանացի են զգում՝ Բրիտանիայում ապրելով, բայց հպարտ հայեր են»։
Հետևեք մեզ Viber-ում
