Սա փորձ է ազդելու Ռուսաստանի նախագահական ընտրությունների վրա. Պեսկով
Ռուսաստանի նախագահի մամուլի խոսնակ Դմիտրի Պեսկովը մեկնաբանել է ԱՄՆ ֆինանսների նախարարության «կրեմլյան ցուցակը», գրում է ՏԱՍՍ-ը: Ըստ նրա՝ սա փորձ է ազդելու Ռուսաստանի նախագահական ընտրությունների վրա, սակայն այն որևէ ազդեցություն չի ունենա. «Մենք իսկապես կարծում ենք, որ դա ուղղակի և ակնհայտ փորձ է՝ ինչ-որ գործողություններ այնպես հարմարեցնել ընտրություններին, որ դրանց վրա ազդեցություն լինի: Մենք դրա հետ համաձայն չենք, և համոզված ենք, որ ոչ մի ազդեցություն էլ չի լինի»: Պեսկովը նշել է, որ այդ ցուցակի հրապարակումն ինքնին ոչինչ չի նշանակում, «այն չի նշանակում պատժամիջոցների հերթական ալիք»:
Հետևեք մեզ Viber-ում
