Ալավերդու համայնքապետը 12 անշարժ և 3 տրանսպորտային միջոց ունի․ ի՞նչ ունեցվածք է հայտարարագրել ՔՊ-ական Դավիթ Ղումաշյանը. «Ժողովուրդ»

«Ժողովուրդ» օրաթերթը գրում է. «ArmLur.am-ը շարունակում է իր ընթերցողներին ներկայացնել համայնքների ղեկավարների հայտարարագրած ունեցվածքը։ Այս անգամ ուսումնասիրել ենք Լոռու մարզի Ալավերդի խոշորացված համայնքի ղեկավար Դավիթ Ղումաշյանի՝ 2025 թվականի տարեկան հայտարարագիրը։

Դավիթ Ղումաշյանը համայնքային կառավարման ոլորտում պաշտոններ է զբաղեցրել դեռևս 2016 թվականից։ 2016 թվականի հոկտեմբերի 2-ին նա ընտրվել է Լոռու մարզի Շնող համայնքի ղեկավարի պաշտոնում, իսկ 2017 թվականի նոյեմբերի 5-ին՝ արդեն Շնող խոշորացված համայնքի ղեկավար։ 2023 թվականին զբաղեցրել է «Թեղուտ» ՓԲ ընկերության գլխավոր տնօրենի խորհրդականի պաշտոնը։ 2023 թվականի դեկտեմբերի 8-ին ստանձնել է Լոռու մարզի Ալավերդի խոշորացված համայնքի ղեկավարի պաշտոնը։ Ղումաշյանը «Քաղաքացիական պայմանագիր» կուսակցության անդամ է։

Անշարժ գույք

Հայտարարագրի համաձայն՝ 2025 թվականի վերջում Դավիթ Ղումաշյանն ունեցել է 12 միավոր անշարժ գույք։ Դրանց թվում են հողամասեր, Ռուսաստանի Դաշնությունում գտնվող բնակարան, Ալավերդիում հասարակական և արտադրական նշանակության շինություններ, անհատական բնակելի տներ և բնակարաններ։ Գույքի մի մասը նրա սեփականությունն է, իսկ մյուսները՝ բաժնային կամ համատեղ սեփականության իրավունքով։

2025 թվականին Ղումաշյանը ձեռք է բերել ևս երկու հողամաս՝ երկուսն էլ Ալավերդիում։ Առաջինը ձեռք է բերել նոյեմբերի 27-ին՝ 200 հազար դրամով, իսկ երկրորդը՝ նոյեմբերի 28-ին՝ 300 հազար դրամով։ Երկու դեպքում էլ ձեռքբերման եղանակը եղել է գնումը։

Բացի սեփականության իրավունքով հայտարարագրված գույքից՝ 2025 թվականին նա 90 և ավելի օր փաստացի տիրապետել է ևս երկու հողամասի։

Շարժական գույք

2025 թվականի տարեվերջի դրությամբ Ղումաշյանի հայտարարագրում առկա է 3 տրանսպորտային միջոց՝ 2015 թվականի արտադրության Harley-Davidson XL1200X մոտոցիկլ, 2016 թվականի արտադրության 829450 կցորդ և 2016 թվականի արտադրության Chevrolet մարդատար ավտոմեքենա։

Հայտարարագրի համաձայն՝ 2025 թվականին տրանսպորտային միջոց ձեռք բերելու կամ օտարելու մասին տվյալներ չկան։

Եկամուտ և դրամական միջոցներ

2025 թվականին Դավիթ Ղումաշյանի ընդհանուր եկամուտը կազմել է 5,976,401 դրամ։ Դրանից 330,212 դրամը ստացել է ՀՀ ֆինանսների նախարարությունից, 831,075 դրամը՝ Ալավերդու համայնքապետարանի աշխատակազմից՝ որպես այլ եկամուտ, իսկ 4,815,114 դրամը՝ նույն համայնքապետարանից՝ որպես աշխատանքի վարձատրություն և դրան հավասարեցված այլ վճարումներ։

Տարվա սկզբին Ղումաշյանի մոտ եղել է 5 մլն դրամ կանխիկ գումար, որը տարեվերջին նվազել է՝ հասնելով 3 մլն դրամի։ Բանկային հաշվի մնացորդը տարվա սկզբի 249,035 դրամից տարեվերջին աճել է մինչև 557,871 դրամ։

Այսպիսով, 2025 թվականի ավարտին ՔՊ-ական Ալավերդու համայնքապետ Դավիթ Ղումաշյանի հայտարարագրում առկա է 12 անշարժ գույք և 3 տրանսպորտային միջոց, իսկ տարվա ընթացքում նա ձեռք է բերել երկու նոր հողամաս»։

Մանրամասները՝ «Ժողովուրդ» օրաթերթի այսօրվա համարում։

դիտվել է 112 անգամ
Լրահոս
Իշխանություններին կոչ ենք անում զերծ մնալ նման սադրանքներից «Հայաստանում իշխանափոխությունը հնարավոր է երկու ճանապարհով՝ արտաքին և ներքին». Հակոբ Բադալյան Գեղարքունիքի մարզում երկու անչափահաս «Ինֆինիտի»-ով վթարի են ենթարկվել. կա մեկ զոհ «Սպառվել է «հեղափոխական» բանանի մոգական ուժը». Կարեն Հեքիմյան Մեքենաները բախվել են ձիերի, կան ծանր վիրավորներ 18-ամյա աղջիկը մահացել է Ադրբեջանում հաստատում են իմ ասածը․ Տաթևիկ Հայրապետյան Պուտինի թոռանը մոր ազգանունն են տվել, քանի որ երեխայի հոր ազգանունը Զելենսկի է Մելիքյանը՝ Լատվիայի հետ խաղի մասին ՌԴ հակաօդային պաշտպանության ուժերը ոչնչացրել են 230 ուկրաինական անօդաչու թռչող սարք Ռուսաստանի պատասխանը ԱՄՆ-ին Մոպեդավարն ու ուղևորը ԲԿ-ում են Հայաստանի և Լատվիայի հավաքականները չպարզեցին հաղթողին Ազատ են արձակել գերեվարված 600 եմենցի զինծառայողի Գավառում բախվել են «Jeep»-ը և «Lada»-ն, վերջինը հայտնվել է դաշտում․ կա վիրավոր Էստոնիան կփակի Ռուսաստանի հետ սահմանը Լատվիա – Հայաստան․ Ֆուտբոլիստների գնահատականները «Կյանքը բումերանգ է». փաստաբանը հիշել է մի դրվագ Չեմ կարող չանդրադառնալ նաև հրեշավոր ընտրակեղծիքներին Մեկնարկել է մինչև երկու տարեկան երեխայի խնամքի նպաստի վճարման գործընթացը Հորմուզի նեղուցում երկու նավթատար նավ է խորտակվել Արտակարգ դեպք․ «Վաղարշապատ» ԲԿ-ի տարածքում առողջ և հաստաբուն ծառերի սպանդ է իրականացվել Տեղի կունենա Անդրանիկ Թևանյանի և Արեգնազ Մանուկյանի գործով հերթական դատական նիստը
Ամենաընթերցվածները
Շուտով
Նոյեմբերի 16-ին՝ ժամը 16։30-ին, Հայելի ակումբի հյուրն է Հայկ Նահապետյանը Նոյեմբերի 16-ին՝ ժամը 15։00-ին, Հայելի ակումբի հյուրն է Նաիրա Զոհրաբյանը Նոյեմբերի 13-ին՝ ժամը 14։00-ին, Հայելի ակումբի հյուրն է Լարիսա Ալավերդյանը Նոյեմբերի 13-ին՝ ժամը 13։00-ին, Հայելի ակումբի հյուրն է Աշոտ Անդրեասյանը Նոյեմբերի 13-ին՝ ժամը 12։30-ին, Հայելի ակումբի հյուրն է Խաչիկ Մանուկյանը Նոյեմբերի 13-ին՝ ժամը 10։30-ին, Հայելի ակումբի հյուրն է Տիգրան Չոբանյանը Նոյեմբերի 12-ին՝ ժամը 14։00-ին, Հայելի ակումբի հյուրն է Անաստաս Իսրայելյանը Նոյեմբերի 12-ին՝ ժամը 13։00-ին, Հայելի ակումբի հյուրն է Դերենիկ Մալխասյանը Նոյեմբերի 12-ին՝ ժամը 12։00-ին, Հայելի ակումբի հյուրն է Նարինե Դիլբարյանը Նոյեմբերի 12-ին՝ ժամը 11։00-ին, Հայելի ակումբի հյուրն է Կարինե Նալչաջյանը
Հետևեք մեզ Viber-ում https://cutt.ly/5wn8sJBS
Hayeli.am