Ադրբեջանի արձագանքը չուշացավ. Նալբանդյանի ելույթը կեղծավորություն է. Հիքմեթ Հաջիեւ

Ադրբեջանի ԱԳՆ մամուլի ծառայության ղեկավար Հիքմեթ Հաջիեւը Հայաստանի արտգործնախարարի երեկվա ելույթը որակել է կեղծավորություն։ Այս մասին գրում է Trend.az-ը։ Հաջիեւը ասել էր, որ Հայաստանի արտգործնախարարի խոսքերը հեռու են իրականությունից։ «ԵԱՀԿ գործող նախագահի անձնական ներկայացուցչի դաշտային օգնականների թվի ավելացումը օժանդակ միջոց է, որը կախված է սուբստանտիվ եւ տրամաբանական բանակցություններց: Հայաստանի արտգործնախարարի ելույթը ոչ այլ ինչ է, քան կեղծավորություն»,- ասել է Հաջիեւը։ Էդվարդ Նալբանդյանը երեկ կայացած մամուլի ասուլիսի ընթացքում հայտարարել էր, որ Կրակովում հունվարի 18-ին ադրբեջանցի իր գործընկերոջ հետ հանդիպումից հետո Կասպրշիկի թիմի միջազգային անձնակազմը 7-ով ավելացնելու նախարարների մակարդակով սկզբունքային համաձայնություն է ձեռք բերվել։