Նա իմ «Արսենալ» տեղափոխության պատճառներից մեկն է. Մխիթարյան
«Արսենալի» նորեկ Հենրիխ Մխիթարյանը նշել է, որ նոր մարզիչը հրաշալի անձնավորություն է և իրեն համար լոնդոնյան թիմ տեղափոխվելու պատճառներից մեկը եղել է հենց թիմի գլխավոր մարզիչ Արսեն Վենգերը: Այս մասին գրում է fourfourtwo.com-ը: «Իհարկե, շատ կարեւոր է, որ մարզիչը հարգում է քեզ: Գիտեմ, որ նա շատ պահանջկոտ է եւ սիրում է, որ խաղացողներն իրենք էլ են ուղիներ փնտրում: Նա, իմ «Արսենալ» տեղափոխության պատճառներից մեկն է, քանի որ բոլորն էլ գիտեն, որ նա հրաշալի մարզիչ է: Նրան երկար ժամանակ ճանաչել եմ, եւ ինձ դժվարությամբ չտրվեց «Արսենալ» տեղափոխվելու որոշումը: Կարծում եմ յուրաքանչյուր խաղացողի համար երազանք է գալ այստեղ ու հարձակվողական ֆուտբոլ խաղալ»,- ասել է նա: Մխիթարյանն «Արսենալ» է տեղափոխվել անցած շաբաթ: Սպասվում է, որ նա իր նորամուտը թիմի կազմում կնշի այսօր՝ հունվարի 30-ին, Անգլիայի Պրեմիեր լիգայի 25-րդ տուրի «Սուոնսիի» դեմ խաղում:
Հետևեք մեզ Viber-ում
