Հայաստանը ռուսաստանցիների համար ամանորյա տոներին ամենաէժան ուղղությունների ցանկում է հայտնվել

Ռուսաստանցիների համար Ամանորի տոներին հանգստի համար ֆինանսական տեսանկյունից ամենագրավիչ արտասահմանյան ուղղությունը Բելառուսն է։

Ինչպես հաղորդում է ТАСС-ը, այդ ուղղությամբ ավիատոմսի միջին գինը ամանորյա տոներին կազմում է 10 հազար 800 ռուբլի, թեև կացությունը կպահանջի մոտ 15 հազար 500 ռուբլի մեկ գիշերվա համար։

Այնուհետև հաջորդում են Հայաստանը և Վրաստանը։ Հայաստան թռիչքը միջինում կարժենա 20 հազար 600 ռուբլի, իսկ մեկ գիշերվա կացությունը՝ 10 հազար 300 ռուբլի։

Վրաստան ճանապարհորդությունը կարժենա 20 հազար 900 ռուբլի ավիատոմսի համար և 12 հազար 100 ռուբլի՝ հյուրանոցային համարի համար։