Օրգանների առեւտրի գործով վկայի սենսացիոն ցուցմունքը

Ռումինիայում 2000-2007 թվականներին մարդկային օեւգանների առեւտրի գործով գլխավոր վկա Յուլիան Յակոբը սենսացիոն բացահայտումներ է արել:Նա  ցուցմունք է տվել իր երիկամի գնորդ ազդեցիկ ադրբեջանցու մասին։ «Իմ  հետ կապ է հաստատել Էմիլ Սաբոն՝ բժիշկ Միխայա Լուկանի մտերիմ ընկերը, բժիշկը  առաջարկել էր վաճառել երիկամը 7,5 հազար դոլարով։ Էմիլ Սաբոն պատմեց ինձ, որ պրոֆեսոր Լուկանը արտասահմանցուն բերել է Ռումինիա, որպեսզի կատարի երիկամի փոխպատվաստումը։ Ես տեղեկացա, որ նա Ադրբեջանից է։ Հիվանդանոցում ադրբեջանցուն ուղեկցել են 4 զինված անձիք, որոնցից մեկի մոտ Կալաշնիկով ինքնաձիգ է եղել:Խոստացված գումարից միայն 2,5 հազարն է ստացել»,-պատմել է նա:

«Էմիլ Սաբոն ասաց ինձ, որ ոչ մի կոպեկ էլ ինձ չեն տա, քանի որ ինքը վճարում է մեքենայի ապառիկ, իսկ պրոֆեսոր Լուկանը վիլլա է կառուցում։ Նա ինձ ասաց, որ կտա մնացած գումարը, եթե ես այլ դոնորներ բերեմ։ Ես բերեցի դոնորներ, բայց խոստացված գումարը այդպես էլ չստացա»,-պատմել է նա։