Թուրքիայում քննում են «Էրդողան» տապանաքարի դրվագը

Թուրքիայի Սիլիվրիի հանրապետական դատախազությունն ուսումնասիրել է թուրքական հայտնի «Գայլերի հովիտ» (Kurtlar Vadisi) հեռուստասերիալի որոշ դրվագներ:

Իրավապահների ուշադրության կենտրոնում է հայտնվել 2012 թ. մայիսի 17-ին հեռարձակված 159-րդ սերիայի գերեզմանատան դրվագը, որտեղ կադրում հայտնվում է «Էրդողանների ընտանիք» (Erdoğan Ailesi) գրառմամբ տապանաքար: Քննչական մարմինները փորձում են պարզել՝ արդյոք դա եղել է միտումնավոր քայլ և թաքնված ուղերձ՝ ուղղված Թուրքիայի նախագահ Ռեջեփ Թայիփ Էրդողանին ու նրա ընտանիքին:

Գործի շրջանակում հարցաքննության են կանչվել սերիալի սցենարիստները: Սցենարիստներից մեկը՝ Ռաջի Շաշմազը, հերքել է տապանաքարի միջոցով Էրդողանի ընտանիքին սպառնալիք կամ ազդակ փոխանցելու մեղադրանքները՝ նշելով, որ նման քայլը հակասում է իրենց արժեհամակարգին:

Նա պարզաբանել է, որ տապանաքարերի ընտրությունը սցենարիստների վերահսկողության տակ չի գտնվում, և դրանք կարող էին լինել ինչպես իրական գերեզմանաքարեր, այնպես էլ նկարահանման համար պատրաստված դեկորացիոն տարրեր:

Ermenihaber