ՊՈՒԾԻՆԱԶԵՐԾՈՒՄԸ ՍԿՍՎԵՑ, ՊՈՒԾԻՆՆ ՕՐԵՆՔԻՑ ԴՈՒՐՍ Է
Մի քանի ժամ առաջ ԱՄՆ-ում հրապարակվեց երկար սպասված ՛՛կրեմլյան զեկույցը՛՛, որում թվարկված են պատժամիջոցների տակ ընկնող 210 ռուս պաշտոնյա եւ գործարար: Հիմնական չափանիշն է նրանց մտերմությունը Պուծինին: Սա աշխարհի եւ հատկապես Ռուսաստանի պատմության մեջ աննախադեպ քայլ է, որը նշանակում է Կրեմլյան իշխանության միջազգային մեկուսացում եւ փաստորեն հայտարարում է այն օրենքից դուրս:
Ցուցակում են Ռուսաստանի վարչապետ Մեդվեձեւը, ԱԳՆ նախարար Լավրովը, փոխվարչապետներ Ռոգոզինը, Կոզակը, Մուտկոն, Խլոպոնինը, Դվորկովիչը, Գոլոդեցը, նախարարներ Շոյգուն, Աբիզովը, Տկաչովը, Մեդինսկին, Վասիլյեվան, Սիլուանովը, Կոլոկոլցեւը, Սոկոլովը, Կոլոբկովը, Սկվորցովան, Կոնովալովը, Դոնսկոյը, Կուզնեցովը, Տոպիլինը, Օրեշկինը, Գալուշկան, Պուչկովը, Նովակը; Պետական դումայի երկու պալատների ղեկավարներ Վոլոդինն ու Մատվիենկոն, Պուծինի խոսնակ Պեսկովը, Պուծինի օգնական Սուրկովը, Պուծինի աշխատակազմի ղեկավար Վայնոն, ՖՍԲ պետ Բորտնիկովը, ՛՛Գազպրոմի՛՛ պետ Միլլերը, ՛՛Ռոսնեֆծի՛՛ պետ Սեչինը, հայտնի օլիգարխներ Ուսմանովը, Աբրամովիչը, Պոտանինը, Դերիպասկան, Կերիմովը, հայտնի համակարգչային ընկերության ղեկավար Կասպերսկին: Որոշ տվյալներով ցուցակում նշված է նաեւ հայ օլիգարխ Սամվել Կարապետյանի անունը: Ընդհանուր առմամբ ՛՛սեւ ցուցակում՛՛ 114 բարձրաստիճան ռուս պաշտոնյա է ընդգրկված եւ 96 խոշորագույն օլիգարխ: Սա նշանակում է, որ նրանց հետ, նրանց ընտանիքների անդամների, նրանց բիզնես կառույցների հետ ոչ մի միջազգային բանկ, ընկերություն կամ կորպորացիա իրավունք չունեն կնքելու որեւե գործարք, վարկ տրամադրել, անշարժ գույք վաճառել կամ գնել, ընդհանուր բիզնես վարել: Սա փաստորեն Պուծինի եւ Ռուսասատնի ողջ կառավարության միջազգային օրենքից դուրս հայտնվելու մասին հայտարարություն է:
Տիգրան Խզմալյանի գրառումը
Հետևեք մեզ Viber-ում
