Իշխող ուժի նպատակն է երեխաներին հասցնել տոտալ անգրագիտության․ Անուշ Առաքելյան

«Հայաստան» դաշինքի անդամ Անուշ Առաքելյանը ֆեյսբուքյան իր էջում գրում է․

Շատ քննարկվեց OECD միջազգային գնահատման PISA ծրագրին մասնակցած, Հայաստանի 15-ամյա աշակերտների գնահատման ծայրաստիճան վատ ցուցանիշները։
Հաշվետվությունը պարզել է, որ Հայաստանում 15-ամյա դեռահասների 81%-ը չի հասնում ընթերցանության նույնիսկ տարրական մակարդակի։ Նրանք կարող են մեխանիկորեն կարդալ բառերը (վերծանել տեքստը), բայց չեն կարող բացատրել կարդացածի իմաստը, եզրակացություններ անել կամ տարբերակել փաստը կարծիքից։

Այս ցուցանիշներին անդրադարնալուց վարչապետի պաշտոնը զբաղեցնողը` իր սովորության համաձայն, մեղադրեց դարձյալ նախկիններին, ապա ուսուցիչներին, տնօրեններին, բայց ոչ երբեք իրեց մշակած, դեպի խորը տգիտության անդունդը տանող ծրագրերին…

Հետաքրքիր է, որ բոլորը սևեռվելով աշակերտների գնահատման ցուցանիշի վրա, անտեսվել է, որ OECD գնահատման ծրագիրը՝ ուսուցիչների վերաբերյալ է նաև գնահատական հրապարակել։ Ըստ որի Հայաստանից մասնակցող աշակերտների 81%~ը հայտնել է, որ դասերի մեծ մասում ուսուցիչը հետաքրքրություն է ցուցաբերում յուրաքանչյուր աշակերտի ուսումնառության համար (OECD միջին՝ 69 %): 83%~ը հայտնել են, որ ուսուցիչը շարունակում է դասավանդել մինչև աշակերտները հասկանան(OECD միջինը՝ 66%), իսկ 84%~ը հայտնել է, որ ուսուցիչը լրացուցիչ օգնություն է տրամադրում, երբ աշակերտները դրա կարիքն ունեն(OECD 73%): Փաստ է, որ այս խայտառակ արդյունքների պատասխանատուն ուսուցիչներն չեն։ Արդյունքների պատասպանատուն միայն պետիթյան մոտեցումն է և այս կրթական ծրագիրն է, որը կարելի ենթադրել` միտումնավոր արդեն շուրջ 8 տարի հետևողականորեն իջեցնում է մեր երկրի կրթական մակարդակը:

Ուշագրավ է նաև, որ OECD ներառած երկրներում, այն դպրոցներում որտեղ արգելված է եղել դպրոցական տարածքում բջջային հեռախոսների կիրառումը, ապա այդ դպրոցների աշակերտները ավելի լավ ցուցանիշ են ցուցաբերել: 2025 թվականին Հայաստանում աշակերտների ընդամենը 34%~ն է այդպիսի դպրոցներ հաճախել , (այնինչ OECD միջինը՝ 49%~ն է), իսկ Հայաստանում ինչպես գիտենք, Մեսրոպ Մաշտոցի մասին նյութը տարրական դասարանների գրքում թաքնված է QR կոդի տակ, որ ինչքան հնարավոր է շատ ու որքան հնարավոր է վաղ բջջային հեռախոսներ կիրառվեն, ուստի առանց հեռախոսներ հնարավոր չէ իրականացնել դասապատրաստում։

Ակնհայտ է ` իշխող ուժի նպատակն է ստանալ ամորֆ հասարակություն, երեխաներին հասցնել տոտալ անգրագիտության, ոչնչացնել քննադատական մտածելակերպը։ Հրամցնելով խեղված պատմություն, վարկաբեկելով հերոսներին, կոտրել հայրենասիրության ոգին, հավատքը և ստանալ անդեմ ու կառավարելի հասարակություն, որը ունակ չէ կառավարել իր երկրի ապագան։