Արմեն Սարգսյանի առաջին հարցազրույցը
Քիչ առաջ ՀՀԿ-ի կողմից առաջարկված նախագահի թեկնածու Արմեն Սարգսյանը ժամանեց ՀՅԴ բյուրո՝ հանդիպելու դաշնակցության վերնախավի հետ։ Հանդիպումից առաջ լրագրողների հետ կարճ զրույցում Արմեն Սարգսյանն ասաց, որ հանդիպելու է Ազգային ժողովի և ԱԺ-ից դուրս բոլոր կուսակցությունների հետ, ՀԿ-ների, մշակութային, կրթական, գիտական համակարգերի հետ, որից հետո նոր կկատարի իր որոշումը: «Հանդիպելու եմ բոլոր կուսակցությունների հետ, որոնք ներկայացված են ԱԺ-ում և նաև ԱԺ-ից դուրս բոլոր կուսակցությունների, հանրային, հասարակական բոլոր կազմակերպությունների, մշակութային, գիտական, կրթական համակարգերի հետ և դրանից հետո կկայացնեմ իմ որոշումը և վստահ եղեք, որ հաճույքով կպատասխանեմ ձեր բոլոր հարցերին»,-ասաց Արմեն Սարգսյանը: Նշենք, որ ավելի վաղ Արմեն Սարգսյանը ՀՀԿ կենտրոնական գրասենյակում էր, որտեղ էլ հանդիպում ունեցավ ՀՀԿ խմբակցության պատգամավորների հետ:
Հետևեք մեզ Viber-ում
