Լավ կլիներ, եթե Իլհամ Ալիևը մասնակցեր Երևանի տոնակատարությանը

ՀՀ ԱԳ նախարար Էդվարդ Նալբանդյանն այսօր մամուլի ասուլիսում ամփոփեց 2017-ին արտաքին քաղաքական գերատեսչության կատարած աշխատանքները: Ըստ նրա` անցած տարվա ընթացքում հակամարտության կարգավորման համար 14 հայտարարություն է ընդունվել: Ադրբեջանի պնդումներին, թե բրյուսելյան համաձայնագրում ԼՂ հիմնախնդրի կարգավորման սկզբունքին է առաջնությունը տրվել, Նալբանդյանն ընդգծեց, որ այս համաձայնագիրն ընդամենը վերահաստատեց այն դրույթները, որոնք կային Ռիգայի հռչակագրում։ ԵՄ-ն ընդամենն իր աջակցությունն է հայտնել Մինսկի խմբի մոտեցումներին, որոնք հիմնված են միջազգային երեք հայտնի սկզբունքների վրա` ուժի չկիրառման, տարածքային ամբողջականության, ինքնորոշման իրավունքի ճանաչման:

Հարցին, թե Նալբանդյանն ինչպես կմեկնաբանի Բաքվի ղեկավարի այն հայտարարությունը, թե ափսոսում է, որ Երեւանը 1918-ին նվիրել է հայերին, նախարարն ասաց, որ լավ կլիներ, եթե  Իլհամ Ալիեւը մասնակցեր Երեւանի 2800-ամյակին նվիրված տոնակատարությանը, ծանոթանար Երեւանի պատմությանը: