Ովքե՞ր են Փաշինյանի հետ մեկնել Ֆրանսիա․ հայտնի է պատվիրակության կազմը և ծախսերի աղբյուրը. «Արմլուր»
ՀՀ վարչապետ Նիկոլ Փաշինյանը սեպտեմբերի 9-10-ը աշխատանքային այցով մեկնել է Ֆրանսիայի Հանրապետություն՝ Փարիզ։ ՀՀ վարչապետի N 891-Ա որոշմամբ հաստատվել է Ֆրանսիա մեկնող կառավարական պատվիրակության կազմը, ինչպես նաև գործուղման հետ կապված ծախսերի ֆինանսավորման աղբյուրները։ Գրում է «Արմլուր»-ը:
Որոշման համաձայն՝ Ֆրանսիա են մեկնել Նիկոլ Փաշինյանը, Մելանյա Հարությունյանը, Կարեն Գասպարյանը, Արմեն Խաչատրյանը, Սիրուն Հովսեփյանը, Ալեքսանդր Աբրահամյանը, Արման Շահինյանը, Տիգրան Մեհրաբյանը և Գևորգ Գալստյանը։
Պատվիրակության կազմում ընդգրկվել է նաև Ֆրանսիայի Հանրապետությունում ՀՀ արտակարգ և լիազոր դեսպան Արման Խաչատրյանը։ Միաժամանակ որոշմամբ գործուղման հետ կապված ծախսեր են նախատեսվել նաև ՀՀ արտաքին գործերի և միջազգային առևտրի նախարար Արարատ Միրզոյանի, Գագիկ Վանոյանի, ՀՀ տարածքային կառավարման և ենթակառուցվածքների նախարար Դավիթ Խուդաթյանի և ՀՀ բարձր տեխնոլոգիական արդյունաբերության և արհեստական բանականության նախարար Գևորգ Մանթաշյանի համար։
Որոշման համաձայն՝ Անահիտ Ավետիսյանի համար նախատեսվում է ճանապարհածախս, իսկ վերոնշյալ պատվիրակության անդամների և Անահիտ Ավետիսյանի համար՝ նաև գիշերավարձի ծախսեր։
Նիկոլ Փաշինյանի, Մելանյա Հարությունյանի, Կարեն Գասպարյանի, Արմեն Խաչատրյանի, Սիրուն Հովսեփյանի, Ալեքսանդր Աբրահամյանի, Արման Շահինյանի, Տիգրան Մեհրաբյանի և Գևորգ Գալստյանի ճանապարհածախսն ու օրապահիկի ծախսերը, ինչպես նաև Անահիտ Ավետիսյանի ճանապարհածախսը, հուշանվերների ձեռքբերման և թարգմանչական ծառայությունների հետ կապված ծախսերը նախատեսվում է իրականացնել ՀՀ վարչապետի աշխատակազմի պահպանման ծախսերի համար նախատեսված միջոցների հաշվին։
Նույն անձանց և Անահիտ Ավետիսյանի գիշերավարձի, ինչպես նաև պատվիրակության ներկայացուցչական և փոխադրամիջոցների վարձակալության ծախսերը կկատարվեն ՀՀ արտաքին գործերի նախարարության պետական արարողակարգի ծառայության միջոցների հաշվին։
Արարատ Միրզոյանի գործուղման ծախսերը կկատարվեն ՀՀ արտաքին գործերի և միջազգային առևտրի նախարարության միջոցների հաշվին, իսկ Գագիկ Վանոյանինը՝ նույն նախարարության պետական արարողակարգի ծառայության միջոցների հաշվին։
Դավիթ Խուդաթյանի գործուղման ծախսերը նախատեսվում է իրականացնել ՀՀ տարածքային կառավարման և ենթակառուցվածքների նախարարության, իսկ Գևորգ Մանթաշյանինը՝ ՀՀ բարձր տեխնոլոգիական արդյունաբերության և արհեստական բանականության նախարարության միջոցների հաշվին։
Որոշման համաձայն՝ գործուղման ընթացքում ՀՀ վարչապետի պարտականությունները կատարելու է ՀՀ փոխվարչապետ Մհեր Գրիգորյանը։
Որոշումն ստորագրել է ՀՀ վարչապետ Նիկոլ Փաշինյանը։
Հետևեք մեզ Viber-ում
