Ո՞վ է ՀՀ ԱՆ Քրեակատարողական վարչության նոր պետը

ՀՀ նախագահ Սերժ Սարգսյանի հրամանագրով, Ռաֆայել Հովհաննիսյանը նշանակվել Հայաuտանի Հանրապետության արդարադատության նախարարության քրեակատարողական վարչության պետ: 57-ամյա Ռաֆայել Հովհաննիսյանը ծառայել է Խորհրդային բանակում: Զբաղեցրել է մի շարք պաշտոններ։ 1992-1993 թվականներին եղել է ՀՀ ՆԳՆ քրեական պատիժների իրականացման վարչության թիվ 1 քննչական մեկուսարանի օպերատիվ բաժնի պետ: 1993-1994 թթ. աշխատել է որպես ՀՀ ՆԳՆ քրեական պատիժների իրականացման վարչության թիվ 1 քննչական մեկուսարանի օպերատիվ գծով պետի տեղակալ: 1994-1996 թթ. եղել է ՀՀ ՆԳՆ քրեական պատիժների իրականացման վարչության թիվ 1 քննչական մեկուսարանի պետի ժամանակավոր պաշտոնակատար: 1996-2000 թթ. աշխատել է որպես ՀՀ ՆԳՆ քրեական պատիժների իրականացման վարչության թիվ 2 ուղղիչ աշխատանքային հիմնարկի պետ, իսկ 2000-2001 թթ.՝ ՀՀ ՆԳՆ քրեական պատիժների իրականացման վարչության թիվ 2 ուղղիչ աշխատանքային հիմնարկի պետ: 2001-2005 թթ. եղել է ՀՀ ԱՆ «Կոշ» քրեակատարողական հիմնարկի պետ, իսկ 2005-2009 թթ.՝ ՀՀ ԱՆ քրեակատարողական վարչության պետի տեղակալ: 2009 թ. նշանակվել է ՀՀ ԱՆ քրեակատարողական վարչության պետի առաջին տեղակալ: 2011 թվականի սեպտեմբերի 3-ին Ռաֆայել Հովհաննիսյանին ՀՀ նախագահի հրամանագրով շնորհվել է «արդարադատության գեներալ-մայոր» կոչում: Ամուսնացած է, ունի երկու դուստր, մեկ որդի: Նկատենք, որ մամուլը բազմիցս է գրել Արթուր Օսիկյանի և Ռաֆայել Հովհաննիսյանի լարված հարաբերությունների մասին։ Ռաֆայել Հովհաննիսյանը 2005 թվականից աշխատում է որպես ԱՆ ՔԿՎ պետի տեղակալ և այդ ժամանակներից վեց պետ է փոխվել՝ Սամվել Հովհաննիսյան, Աշոտ Մարտիրոսյան, Աշոտ Գիզիրյան, Հայկ Հարությունյան և Արթուր Օսիկյան։