ՉԼ․ Ռեալը Մադրիդում հաղթեց Ինտերին, Մխիթարյանը մասնակցեց հանդիպմանը

Չեմպիոնների լիգայի խաղարկության 2026/27 մրցաշրջանի լիգայի փուլի առաջին տուրում «Ռեալը» Մադրիդում ընդունել էր Միլանի «Ինտերին»։

«Ինտերը» լավ սկսեց հանդիպումը և ստեղծեց մի քանի վտանգավոր պահեր։ Սակայն, հետո «ներաձուրիները» թույլ տվեցին երկու լուրջ սխալ․ Կիլիան Մբապեն գոլ խփեց 14-րդ րոպեին, իսկ Ֆեդերիկո Վալվերդեն՝ 23-րդ րոպեին։ Ուրուգվայցին գոլ խփեց, երբ ճնշում գործադրեց դարպասապահի վրա, ով սխալ թույլ տվեց՝ փորձելով շրջանցել մրցակցին։ Առաջին խաղակեսից հետո լուսատախտակին 2-0 էր։

Երկրորդ խաղակեսում միլանյան թիմը մեկ գնդակ հետ բերեց․ աչքի ընկավ Կարլոս Ավգուստոն։ Քիչ անց Հենրիխ Մխիթարյանը փոխարինեց Ավգուստոյին՝ կարիերայում 2-րդ անգամ պաշտոնական հանդիպմանը դուրս գալով Սանտյագու Բերնաբեուի խաղադաշտ։

Հանդիպման մնացած ժամանակահատվածում այլևս գոլեր չգրանցվեցին, Մոուրինյուի թիմը հաղթեց 2-1 հաշվով։

Այս խաղում «Ռեալ Մադրիդի» դարպասը պաշտպանում էր Տիբո Կուրտուան։ Բելգիացին այս մրցաշրջանում անցկացրեց իր 100-րդ հանդիպումը մրցաշարում։ Բելգիացին դարձավ բոլոր ժամանակների 8-րդ դարպասապահը և 56-րդ ֆուտբոլիստը, որը Չեմպիոնների լիգայում 100 հանդիպում է անցկացրել։

Կիլիան Մբապեն Չեմպիոնների լիգայում իր 71-րդ գոլը խփեց «Ինտերի» դեմ Չեմպիոնների լիգայի խաղում։ 27-ամյա ֆուտբոլիստը այժմ հավասարվել է «Ռեալ Մադրիդի» նախկին հարձակվող Ռաուլին։ ՉԼ-ի ռմբարկուների աղյուսակում ավելի բարձր են միայն Կարիմ Բենզեման (90 գոլ), Ռոբերտ Լևանդովսկին (109), Լիոնել Մեսսին (129) և Կրիշտիանու Ռոնալդուն (140): «Ռեալ Մադրիդի» մեկ այլ նախկին հարձակվող՝ Կրիշտիանու Ռոնալդուն, գլխավորում է Չեմպիոնների լիգայի բոլոր ժամանակների ռմբարկուների ցանկը՝ 140 գոլով։

Armsport