Կոռուպցիա՝ Կոտայքի մարզի դատախազությունում․ փաստաբանը դիմում է Աննա Վարդապետյանին

ՀՀ գլխավոր դատակազ
տիկին Ա. Վարդապետյանին
ԿՈՌՈՒՊՑԻԱՆ ԿՈՏԱՅՔԻ ՄԱՐԶԻ ԴԱՏԱԽԱԶՈՒԹՅՈՒՆՈՒՄ
Հարգարժան տիկին Վարդապետյան,
Դեռևս 17.11.2024թ.-ին նախաձեռնված թիվ 49138824 քրեական վարույթի նախաքննության ընթացքում ներկայացնելով փաստաթղթեր և մեկնաբանելով դրանք, ապացուցել եմ, որ Գ.Առաքելյանը` 1.Սարկիս և Մեհրան Բալխյանների վստահությունը չարաշահելու միջոցով նրանցից հափշտակել է 1.000.000 (մեկ միլիոն) ԱՄՆ դոլար գումարին համարժեք 383.730.000 (երեք հարյուր ութսուներեք միլիոն յոթ հարյուր երեսուն հազար) ՀՀ դրամ գումար, 2.Անի Նիկողայոսի Պիլավյանից հափշտակել է 20.285.000 ՀՀ դրամ գումար և ցանկանում է հափշտակել 26.593.190 ՀՀ դրամ գումար, ընդհանուրը՝ 46.678.190 (քառասունվեց միլիոն վեց հարյուր յոթանասունութ հազար մեկ հարյուր իննսուն) ՀՀ դրամ գումար։
Առաջանում են հետևյալ հարցադրումները.
Ինչո՞ւ է թիվ 49138824 քրեական վարույթի նախաքննությունը ձգձգվում ավելի քան 2 /երկու/ տարի 10 /տասը/ ամիս.
Եթե թիվ 49138824 քրեական վարույթի նախաքննության ընթացքում պարզվել է, որ Գ.Առաքելյանը կատարել է ՀՀ քրեական օրենսգրքով նախատեսված հանցավոր արարքներ, ապա ինչո՞ւ նրա նկատմամբ հանրային քրեական հետապնդում հարուցելու մասին ՈՐՈՇՈՒՄ չի կայացվում, մեղադրական եզրակացություն չի կազմվում, գործը դատարան չի ուղարկվում և նա քրեական պատասխանատվության չի ենթարկվում։
Եթե թիվ 49138824 քրեական վարույթի նախաքննության ընթացքում պարզվել է, որ Գ.Առաքելյանը չի կատարել ՀՀ քրեական օրենսգրքով նախատեսված հանցավոր արարքներ, ապա ինչո՞ւ չի կայացվում ՈՐՈՇՈՒՄ՝ թիվ 49138824 քրեական վարույթը կարճելու մասին։
Եթե թիվ 49138824 քրեական վարույթի նախաքննության ընթացքում պարզվել է, որ՝ Սարկիս Մեհրանի Բալխյանը և Անի Նիկողայոսի Պիլավյանը՝ Գ.Առաքելյանի վերաբերյալ կատարել են ակնհայտ սուտ մատնություն և տվել են ակնհայտ սուտ ցուցունքներ, ապա ինչո՞ւ չի կազմվում ԱՐՁԱՆԱԳՐՈՒԹՅՈՒՆ՝ քրեական վարույթ նախաձեռնելու մասին և իրականացվում նախաքննություն։
ՊՆԴՈՒՄ ԵՄ, որ Գ.Առաքելյանի նկատմամբ հանրային քրեական հետապնդում հարուցելու մասին ՈՐՈՇՈՒՄ չի կայացվում, մեղադրական եզրակացություն չի կազմվում, գործը դատարան չի ուղարկվում և նա քրեական պատասխանատվության չի ենթարկվում, քանի որ նրան, մասնավորապես, հովանավորում է Կոտայքի մարզի դատախազը։

Փաստաբան Հակոբ Ճարոյան