Մակրոնի «ամենավատ» գագաթնաժողովը. Փարիզի տիեզերական համաժողովը հայտնվել է ձախողման եզրին. Politico

Փարիզի տիեզերական գագաթնաժողովը խոստանում է դառնալ ամենավատը Ֆրանսիայի նախագահ Էմանուել Մակրոնի համար՝ կազմակերպչական խնդիրների և ամերիկյան ընկերությունների մասնակցությունից հրաժարվելու պատճառով: Այդ մասին հայտնել է Politico-ի եվրոպական հրատարակությունը:

«Կազմակերպումն ուղղակի սարսափելի էր: Սա Մակրոնի կազմակերպած բոլոր գագաթնաժողովներից ամենավատն է»,— մեջբերում է հրատարակությունը միջոցառման կազմակերպմանը մասնակցող տիեզերական ոլորտի ներկայացուցչի խոսքերը:

Ըստ Politico-ի տեղեկությունների՝ նախագծի հիմնական խնդիրներն են եղել ժամանակացույցից հետ մնալը, եվրոպական տիեզերական ոլորտի առանցքային դերակատարների հետ պատշաճ համաձայնեցման բացակայությունը և գագաթնաժողովի նպատակի անորոշությունը:

Ավելի վաղ ամերիկյան չարտոնագրված (մասնավոր) տիեզերական չորս ընկերություններ, այդ թվում՝ Իլոն Մասկի SpaceX-ը և Τզեֆ Բեզոսի Blue Origin-ը, հրաժարվել էին մասնակցել սեպտեմբերի 9-10-ը կայանալիք Փարիզի տիեզերական գագաթնաժողովին: ԱՄՆ վարչակազմի դժգոհությունն էր առաջացրել այն փաստը, որ Ֆրանսիայի նախագահ Էմանուել Մակրոնը ԱՄՆ նախագահ Դոնալդ Թրամփի հետ չէր համաձայնեցրել տեխնոլոգիական ֆորումի անցկացումը, ինչպես նաև դրան չինական պատվիրակության հրավերը։