Թրամփը հայտարարել է Իրանի նկատմամբ ԱՄՆ-ի մոտալուտ հաղթանակի մասին

ԱՄՆ նախագահ Դոնալդ Թրամփը կարծում է, որ ԱՄՆ-ն շուտով հաղթանակ կտանի Իրանի նկատմամբ։ «Արմենպես»-ի փոխանցմամբ՝ այս մասին ասել է նա GB News հեռուստաալիքի հետ հարցազրույցում։

«Մենք կհաղթենք, և դա կլինի շուտով, որովհետև մենք արդեն հաղթել ենք. չէ՞ որ նրանք չեն կարող միջուկային զենք ունենալ», – նշել է նա։

Թրամփը նաև նշել է, որ ճիշտ է վարվել Իրանի դեմ պատերազմ սկսելու հարցում, քանի որ նրա պնդմամբ՝ եթե դա տեղի չունենար, Թեհրանն արդեն «երկու, գուցե, չորս շաբաթ անց» կարող էր միջուկային զենք ստանալ, իսկ այժմ այդ ժամկետը երկարաձգվել է մինչև 25 տարի։

Միևնույն ժամանակ, Միացյալ Նահանգների ղեկավարը վստահեցրել է, որ ԱՄՆ-ն հաջող գործողություններ է իրականացնում Իրանի դեմ և «վերահսկում է Հորմուզի նեղուցը»։

ԱՄՆ-ն և Իսրայելը պատերազմ են սկսել Իրանի դեմ փետրվարի 28-ին։ Հունիսին Վաշինգտոնը և Թեհրանը ստորագրել են փոխըմբռնման հուշագիր, որը նախատեսում էր մարտական գործողությունների անհապաղ դադարեցում բոլոր ճակատներում, այդ թվում՝ Լիբանանում։ Սակայն հուլիսի 8-ի գիշերը Միացյալ Նահանգները վերսկսել է լայնածավալ հարվածներն Իրանի դեմ՝ մեղադրելով նրան Հորմուզի նեղուցի հետ կապված պայմանները խախտելու համար։ Հուլիսի վերջին մարտերը դադարել էին, սակայն օգոստոսի 30-ին՝ կրկին վերսկսվել։