Նորանշանակ դատավոր Կարինե Բաղդասարյանի կենսագրությունը

ՀՀ Նախագահի՝ 2018թ-ի հունվարի 18-ի հրամանագրով՝ ՀՀ վարչական դատարանի դատավոր Կարինե Բաղդասարյանը նշանակվել է ՀՀ վարչական վերաքննիչ դատարանի դատավոր՝ դադարեցնելով պաշտոնավորումը ՀՀ վարչական դատարանում: Այս մասին տեղեկանում ենք դատական դեպարտամենտից: Ստորև ձեզ ենք ներկայացնում Կարինե Բաղդասարյանի կենսագրությունը: Նա ծնվել է 1957 թվականին Երևան քաղաքում։ Կրթություն 1982 թվականին ավարտել է ԵՊՀ իրավաբանական ֆակուլտետը։ Աշխատանք 1983 թվականինց աշխատել է Գագարին ավանի լուսապակու գործարանում՝ որպես իրավաբան։ 1983 թվականից մինչև 1985 թվականը եղել է Հայկոոպի Սևանի միջշրջանային առևտրի բազայի ավագ իրավաբան։ 1985 թվականից մինչև 1996 թվականը զբաղեցրել է Սևանի գործադիր կոմիտեի «ԶԱԳՍԻ» բաժնի վարիչի պաշտոնը։ 1996 թվականից մինչև 1999 թվականը եղել է ՔԿԱԳ Սևանի տարածքային բաժնի վարիչը։ 1999 թվականից մինչև 2001 թվականը աշխատել է Գեղարքունիքի մարզի ՔԿԱԳ բաժնում՝ որպես վարիչի տեղակալ։ 2001 թվականին աշխատել է Գեղարքունիքի մարզի առաջին ատյանի դատարանի դատավոր։ 2001 թվականի հոկտեմբերի 19-ին ՀՀ նախագահի հրամանագրով նշանակվել է ՀՀ տնտեսական դատարանի դատավոր։ 2008 թվականից մինչև 2009 թվականը աշխատել է Հյուսիսային քաղաքացիական դատարանի դատավոր: 2009 թվականի փետրվարի 27-ին ՀՀ Նախագահի հրամանագրով նշանակվել է ՀՀ վարչական դատարանի դատավոր: ՀՀ Նախագահի 2018 թվականի հունվարի 18-ի հրամանագրով նշանակվել է ՀՀ վարչական վերաքննիչ դատարանի դատավոր: