«Ստախոս, ստախոս». Իրանի խորհրդարանի խոսնակը ծաղրել է ԱՄՆ ֆինանսների նախարարի հայտարարությունները

Իրանի խորհրդարանի խոսնակ Մոհամմադ Բաղեր Ղալիբաֆը կոշտ քննադատության է ենթարկել ԱՄՆ ֆինանսների նախարար Սքոթ Բեսենթին՝ ուշադրություն հրավիրելով ամերիկյան պետական պարտատոմսերի եկամտաբերության աճի և պատերազմի վրա Վաշինգտոնի բարձր ծախսերի վրա։

Պատճառը Բեսենթի այն հայտարարություններն էին, թե ԱՄՆ-ն ապահովում է միլիոնավոր բարել նավթի անցումը Հորմուզի նեղուցով։ Ի պատասխան՝ Ղալիբաֆը սոցիալական ցանցում հրապարակել է տնտեսագիտության Նոբելյան մրցանակակիր Փոլ Քրուգմանի «Սքոթ Բեսենթին չհաջողվեց մոլորեցնել շուկան» հոդվածը։

Հոդվածում Քրուգմանը քննադատել է ԱՄՆ ֆինանսների նախարարության ղեկավարի գործողությունները և նրա կարողությունը՝ համոզելու ֆինանսական շուկաներին իրականացվող քաղաքականության հիմնավորված լինելու մեջ։

Ղալիբաֆը առանձին ծաղրել է նաև Բեսենթի կողմից 130 մլն բարել թվի հիշատակումը՝ առաջարկելով դիմել «130» նշանակությամբ այլ ցուցանիշների։ Ըստ նրա, Moody’s-ի տվյալները վկայում են, որ ԱՄՆ-ի ռազմական ծախսերը կազմում են ավելի քան 130 միլիարդ դոլար, իսկ Jane Street ներդրումային ընկերությունը նավթի դեմ խաղադրույքների պատճառով կորցրել է ավելի քան 130 միլիոն դոլար՝ ֆյուչերսային դիրքերի ընդամենը մեկ տեղափոխման ընթացքում։

Վերջում Ղալիբաֆը անցել է ամերիկյան պետական պարտքի շուկային՝ գրելով. «Ստախոս, ստախոս — եկամտաբերությունը սլանում է վեր»։