Ընտանիքը խոչընդոտ չէ. բազմազավակ կին քաղաքական գործիչները

Վերջին տարիներին ակտիվորեն ի հայտ է գալիս գործնական կնոջ սուբկուլտուրան, որին բնորոշ է կյանքում կարիերայի ուղղվածությունը։ Ժամանակակից հասարակությունում մասնագիտական աճը, էլիտար հասարակության  մաս կազմելու փորձը կնոջը դնում է երկընտրանքի առջեւ. ընտանիք, թե աշխատանք։ Հնարավոր է, որ եւ’ աշխատանքով եւ’ անձնական կյանքը միաժամանակ դասավորելու  կնոջ ունակությունն էլ արտացոլում է նրա ինտելեկտի ճկունությունը։ Մարդ, ով կարողանում է միաժամանակ մի քանի դեր ստանձնել, ոչ միայն մեծ լարվածություն չի զգում, այլ նաեւ հոգեբանորեն կոփված է լինում եթե որեւէ դերում իրեն լիարժեք չի արդարացնում։ Մեր իրականությունում ավելանում են քաղաքականությամբ զբաղվող կանայք, ովքեր նաեւ բազմազավակ մայրիկներ են։ Wnews.am-ն առաջարկում է միասին ծանոթանալ նրանց. ԱԺ պատգամավոր Հերմինե Նաղդալյան ԱԺ պատգամավոր Հերմինե Նաղդալյանն ունի հինգ զավակ. երկու դուստր եւ երեք որդի։ Ավագ որդիները տնտեսագետներ են, իսկ կրտսերն ընտրել է ազգային անվտանգության ոլորտը: Աղջիկներից մեկն իրավաբան է, մյուսը` տնտեսագետ, նրանք տիկին Նաղդալյանին 4 թոռնիկ են պարգևել: «Միայն հայ կինն է կարողանում միաժամանակ լինել լավ մայր, գերազանց կին, թիկունք, ընկեր իր ամուսնու համար և նույն կերպ նվիրվել իր աշխատանքին և հայրենիքին»,- կարծում է Հերմինե Նաղդալյանը: ԱԺ նախկին պատգամավոր Զարուհի Փոստանջյանն ունի չորս դուստր՝ Լիլիթ, Լուսինե, Գրետա եւ Լուիզա։ Նախկին պատգամավորը խոստովանել է, որ իր՝ քաղաքականությամբ զբաղվելն ընտանիքի անդամների համար հաճույք չէ։ «Այնպես որ` հեշտ չէ, իմ ընտանիքը բազմաթիվ զրկանքներ է տեսել»,- նշել է նա:   Ի դեպ, տիկին Փոստանջյանի դուստրերը  ցանկանում են, որ իրենց ծնողներն իրենց եղբայր պարգեւեն, գուցե տիկին Փոստանջյանը, ով այժմ էլ պատգամավոր չէ, հասցնի՞ իրականացնել աղջիկների երազանքը։ ԱԺ պատգամավոր Արմենուհի Կյուրեղյան Արմենուհի Կյուրեղյանը պատգամավոր է ընտրվել 2017-ին։ Տիկին Կյուրեղյանն ունի երեք զավակ։  Գերմանիայի պաշտպանության նախարար Ուրսուլա ֆոն դեր Լյայեն