Հետազոտությունները շարունակվում են, Ռոբերտ Քոչարյանի հոսպիտալացման մասին որոշում դեռ չկա․ պաշտպաններ
Ռոբերտ Քոչարյանի պաշտպաններ Սերգեյ Մարաբյանն ու Արամ Օրբելյանը դուրս եկան այն բաժանմունքից, որտեղ գտնվում է 2-րդ նախագահը:
24News-ին հայտնեցին, որ այս պահին դեռ հետազոտությունները շարունակվում են, կան հետազոտություններ, որ մի քանի անգամ պետք է արվեն: Հոսպիտալացման մասին դեռ ոչին չեն կարող հայտնել:
Նշենք, որ Հակակոռուպցիոն կոմիտեից 24News-ին տեղեկացրին, որ կալանքը որպես խափանման միջոց դատարան միջնորդություն ներկայացնելու նպատակով ձերբակալված Ռոբերտ Քոչարյանի ինքնազգացողությունը վատացել է, ինչի պատճառով հրավիրվել է շտապբուժօգնություն (արձանագրվել է զարկերակային բարձր ճնշում) և հետագա հետազոտության նպատակով վերջինը տեղափոխվել է համապատասխան բժշկական հաստատություն:
Ավելի վաղ հայտնել էինք, որ Քոչարյանին ԱԱԾ աշխատակիցների ուղեկցությամբ Շտապօգնության մեքենայով տեղափոխել են հիվանդանոց։
Նշենք նաև, որ Քոչարյանն ու նրա որդին` Սեդրակ Քոչարյանը, հարցաքննվել են Հակակոռուպցիոն կոմիտեում, նրանք ձերբակալվել են։
Հիշեցնենք, որ այսօր վաղ առավոտից ԱԺ «Հայաստան» խմբակցության պատգամավոր Լևոն Քոչարյանի բնակարանում խուզարկություն է իրականացնում Հակակոռուպցիոն կոմիտեն։
Հետևեք մեզ Viber-ում
