ՔՊ պատգամավոր Թագուհի Ղազարյանը սխալ թվեր է հրապարակել ամբիոնից․ «Ժողովուրդ»

«Ժողովուրդ» օրաթերթը գրում է. ««Ժողովուրդ» օրաթերթը շարունակում է «Իշխանության ստերը» շարքը՝ հանրային հնչեղություն ստացած այն հայտարարությունների մասին, որոնց թվերը կամ հիմնավորումները առնվազն լրացուցիչ բացատրության ու փաստական ապացույցի կարիք ունեն։

 

 

Այս անգամ մեր ուշադրության կենտրոնում ՔՊ-ական պատգամավոր Թագուհի Ղազարյանի՝ Ազգային ժողովի ամբիոնից հնչեցրած հայտարարությունն է։

Պատգամավորը հայտարարել է, որ Հայաստանում կան դպրոցներ, որտեղ մեկ աշակերտի հաշվով պետական բյուջեից տարեկան ծախսվում է շուրջ 20 միլիոն դրամ։

Թիվն այնքան տպավորիչ է, որ «Ժողովուրդ» օրաթերթը որոշեց պարզ թվաբանությամբ հասկանալ՝ իրականում ինչ է նշանակում պատգամավորի հայտարարած 20 միլիոն դրամը։

Եթե 20 միլիոն դրամը բաժանենք 12 ամսվա վրա, կստացվի ամսական մոտ 1 միլիոն 667 հազար դրամ։

Սակայն աշակերտը դպրոց չի հաճախում տարվա բոլոր 12 ամիսներին։ Ուսումնական տարվա ընթացքում դասապրոցեսը, կախված դասարանից և օրացույցից, մոտ 9 ամիս է։ Եթե անգամ հաշվարկի համար վերցնենք տարեկան մոտ 200 ուսումնական օր, ապա ստացվում է՝ 20 000 000 ÷ 200 = 100 000 դրամ։

Այսինքն՝ Թագուհի Ղազարյանի ներկայացրած թվի տրամաբանությամբ պետությունը տվյալ դպրոցում մեկ աշակերտի հաշվով յուրաքանչյուր ուսումնական օրվա համար շուրջ 100 հազար դրամ է ծախսում։

Համեմատության համար՝ ամսական կտրվածքով խոսքը շուրջ 1.67 միլիոն դրամի մասին է։ Ուստի բնական հարց է առաջանում՝ ի՞նչ ծառայություն է հանրակրթական դպրոցը մատուցում մեկ երեխային, որի արժեքը հաշվարկով հասնում է օրական 100 հազար դրամի։

«Ժողովուրդ» օրաթերթը ուսումնասիրեց նաև պետական դպրոցների ֆինանսավորման գործող կարգը։ Եվ այստեղ կարևոր հանգամանք կա։ 2025 թվականի հունիսի 26-ին ընդունված կառավարության N 850-Ն որոշմամբ պետական հանրակրթական հաստատությունների ֆինանսավորումը հաշվարկվում է ոչ թե պարզապես «մեկ երեխա × որոշակի գումար» սկզբունքով, այլ բավական բարդ բանաձևով։ Հաշվի են առնվում տարրական, միջին և ավագ դասարանների թիվը, ուսուցչական և ղեկավար կազմը, մի շարք այլ ծախսեր, ինչպես նաև համադպրոցական ծախսերը։

Սա նշանակում է, որ հատկապես շատ փոքրաթիվ աշակերտներ ունեցող դպրոցներում դպրոցի ամբողջ պահպանման ծախսը աշակերտների թվին բաժանելու դեպքում տեսականորեն հնարավոր է ստանալ մեկ սովորողի հաշվով շատ բարձր թիվ։ Նախկին ֆինանսավորման համակարգում ևս առանձին մեխանիզմներ էին նախատեսված փոքրաթիվ, լեռնային, բարձրլեռնային կամ տվյալ բնակավայրում միակ դպրոցների համար։

Բայց այստեղ էլ հենց առաջանում է ամենակարևոր հարցը։

Եթե Թագուհի Ղազարյանը նկատի ուներ ոչ թե մեկ աշակերտի կրթության վրա անմիջականորեն ծախսվող 20 միլիոն դրամ, այլ ծայրահեղ փոքրաթիվ որևէ դպրոցի ամբողջ պահպանման ծախսը՝ մեխանիկորեն բաժանված այնտեղ սովորող մեկ կամ մի քանի աշակերտների թվին, ապա այդ հանգամանքը պետք է հստակ ասվեր։

Հակառակ դեպքում հանրությանը ներկայացվում է տպավորություն, թե պետությունը փաստացի յուրաքանչյուր նման երեխայի կրթության վրա տարեկան 20 միլիոն դրամ է ծախսում։

Ավելին՝ գործող կարգից երևում է, որ դպրոցին հատկացվող գումարի մեջ կարող են ներառվել ոչ միայն բուն դասավանդման, այլև դպրոցի գործունեությունն ապահովող բազմաթիվ ծախսեր։ Հետևաբար «մեկ աշակերտի վրա 20 միլիոն ենք ծախսում» ձևակերպումն առանց դպրոցի անվան, աշակերտների թվի, ընդհանուր բյուջեի և ծախսերի կառուցվածքի հրապարակման խիստ սուբյեկտիվ ու չափազանցված է։

Ուստի «Ժողովուրդ» օրաթերթը հրապարակային հարցեր ունի ՔՊ-ական պատգամավորին և ԿԳՄՍ նախարարությանը։

Եթե այդպիսի դպրոց կա՝ հրապարակեք անունը և հաշվարկը։

Եթե 20 միլիոնը ստացվել է ամբողջ դպրոցի պահպանման ծախսերը մի քանի աշակերտների վրա բաժանելով, ապա հենց այդպես էլ պետք է ներկայացնել հանրությանը։

Թվերը քաղաքական ամբիոնից հնչեցնելը հեշտ է։ Բայց պետական բյուջեի յուրաքանչյուր դրամ հարկատուի գումարն է, և 20 միլիոն դրամանոց հայտարարությունը պահանջում է 20 միլիոն դրամին համապատասխան հիմնավորում»։

Մանրամասները՝ «Ժողովուրդ» օրաթերթի այսօրվա համարում:

դիտվել է 428 անգամ
Լրահոս
Իշխանություններին կոչ ենք անում զերծ մնալ նման սադրանքներից «Հայաստանում իշխանափոխությունը հնարավոր է երկու ճանապարհով՝ արտաքին և ներքին». Հակոբ Բադալյան Գեղարքունիքի մարզում երկու անչափահաս «Ինֆինիտի»-ով վթարի են ենթարկվել. կա մեկ զոհ «Սպառվել է «հեղափոխական» բանանի մոգական ուժը». Կարեն Հեքիմյան Մեքենաները բախվել են ձիերի, կան ծանր վիրավորներ 18-ամյա աղջիկը մահացել է Ադրբեջանում հաստատում են իմ ասածը․ Տաթևիկ Հայրապետյան Պուտինի թոռանը մոր ազգանունն են տվել, քանի որ երեխայի հոր ազգանունը Զելենսկի է Մելիքյանը՝ Լատվիայի հետ խաղի մասին ՌԴ հակաօդային պաշտպանության ուժերը ոչնչացրել են 230 ուկրաինական անօդաչու թռչող սարք Ռուսաստանի պատասխանը ԱՄՆ-ին Մոպեդավարն ու ուղևորը ԲԿ-ում են Հայաստանի և Լատվիայի հավաքականները չպարզեցին հաղթողին Ազատ են արձակել գերեվարված 600 եմենցի զինծառայողի Գավառում բախվել են «Jeep»-ը և «Lada»-ն, վերջինը հայտնվել է դաշտում․ կա վիրավոր Էստոնիան կփակի Ռուսաստանի հետ սահմանը Լատվիա – Հայաստան․ Ֆուտբոլիստների գնահատականները «Կյանքը բումերանգ է». փաստաբանը հիշել է մի դրվագ Չեմ կարող չանդրադառնալ նաև հրեշավոր ընտրակեղծիքներին Մեկնարկել է մինչև երկու տարեկան երեխայի խնամքի նպաստի վճարման գործընթացը Հորմուզի նեղուցում երկու նավթատար նավ է խորտակվել Արտակարգ դեպք․ «Վաղարշապատ» ԲԿ-ի տարածքում առողջ և հաստաբուն ծառերի սպանդ է իրականացվել Տեղի կունենա Անդրանիկ Թևանյանի և Արեգնազ Մանուկյանի գործով հերթական դատական նիստը
Ամենաընթերցվածները
Շուտով
Նոյեմբերի 16-ին՝ ժամը 16։30-ին, Հայելի ակումբի հյուրն է Հայկ Նահապետյանը Նոյեմբերի 16-ին՝ ժամը 15։00-ին, Հայելի ակումբի հյուրն է Նաիրա Զոհրաբյանը Նոյեմբերի 13-ին՝ ժամը 14։00-ին, Հայելի ակումբի հյուրն է Լարիսա Ալավերդյանը Նոյեմբերի 13-ին՝ ժամը 13։00-ին, Հայելի ակումբի հյուրն է Աշոտ Անդրեասյանը Նոյեմբերի 13-ին՝ ժամը 12։30-ին, Հայելի ակումբի հյուրն է Խաչիկ Մանուկյանը Նոյեմբերի 13-ին՝ ժամը 10։30-ին, Հայելի ակումբի հյուրն է Տիգրան Չոբանյանը Նոյեմբերի 12-ին՝ ժամը 14։00-ին, Հայելի ակումբի հյուրն է Անաստաս Իսրայելյանը Նոյեմբերի 12-ին՝ ժամը 13։00-ին, Հայելի ակումբի հյուրն է Դերենիկ Մալխասյանը Նոյեմբերի 12-ին՝ ժամը 12։00-ին, Հայելի ակումբի հյուրն է Նարինե Դիլբարյանը Նոյեմբերի 12-ին՝ ժամը 11։00-ին, Հայելի ակումբի հյուրն է Կարինե Նալչաջյանը
Հետևեք մեզ Viber-ում https://cutt.ly/5wn8sJBS
Hayeli.am