ԱԺ Էթիկայի հանձնաժողովի նախագահի թեկնածու Մարիա Կարապետյանի սկանդալները․ «Ժողովուրդ»

«Ժողովուրդ» օրաթերթը գրում է. «Իշխող ՔՊ-ն ԱԺ Էթիկայի հարցերի հանձնաժողովի նախագահի պաշտոնում առաջադրել է պատգամավոր Մարիա Կարապետյանի թեկնածությունը։ Եվ այս ֆոնին հիշատակվում են նաև նրա անվան շուրջ նախկինում առաջացած մի քանի աղմկահարույց պատմություններ՝ մասնավորապես նրա մոր անունով սոցիալական ցանցում տարածված հայհոյանքները և ադրբեջանական պատվիրակության՝ Երևանում հյուրընկալության հետ կապված դրվագները։

Մոր անունով՝ սեռական բնույթի հայհոյանքներ

2023 թվականի հուլիսին Մարիա Կարապետյանի ֆեյսբուքյան էջի հրապարակումների մեկնաբանություններում «Աիդա Հայրապետյան» անունով օգտահաշվից հայտնվել էին կոպիտ, այդ թվում՝ սեռական բնույթի հայհոյանքներ։ Այդ օգտահաշիվը լրատվամիջոցները ներկայացրել էին որպես Մարիա Կարապետյանի մայր։

Հրապարակված մեկնաբանություններից մեկը, օրինակ, վերաբերում էր Մարիա Կարապետյանի քննադատներից մեկին և պարունակում էր սեռական բնույթի հայհոյանքներ, վիրավորանքներ։ Դրանցից հետո սոցիալական ցանցերում բուռն արձագանք եղավ․ օգտատերերը քննադատեցին ոչ միայն մեկնաբանությունների բովանդակությունը, այլև այն փաստը, որ դրանք, ըստ հրապարակված տվյալների, գրվել էին պատգամավորի մոր անունով։

Մեկնաբանությունների սքրինշոթները տարածող հրապարակումներից մեկը նույնիսկ վերնագրվել էր. «Մարիա Կարապետյանի մայրը մանրամասն պատմում է՝ ինչպես է ունեցել իր դստերը»։

Սակայն այս պատմության ամենակարևոր հանգամանքն այն է, որ Մարիա Կարապետյանը հերքել էր իր մոր՝ այդ մեկնաբանությունների հեղինակ լինելը։ 2023 թվականի հուլիսի 14-ին ԱԺ-ում լրագրողների հետ զրույցում նա հայտարարել էր. «Իմ մայրը նման բառեր չի գրել և առհասարակ նման բառապաշար չունի»։ Կարապետյանը բացատրել էր, որ հնարավոր է՝ որևէ մեկը իր մոր անունով և լուսանկարով կեղծ օգտահաշիվ է ստեղծել։

Արշավ՝ նախկին օմբուդսմենի դեմ

«Դեժավյու» տելեգրամյան ալիքի ներկայացմամբ՝ նախկինում գրել էր, որ նախկին ՄԻՊ Արման Թաթոյանի դեմ հարձակումները և նրա կառույցի ֆինանսավորման կրճատումը նախաձեռնել էր անձամբ Մարիա Կարապետյանը՝ իր ադրբեջանցի ընկերների հորդորով, որոնք կապված են իշխող «Նոր Ադրբեջան» կուսակցության հետ։ Ըստ աղբյուրի՝ նպատակ է եղել Թաթոյանին փոխարինել մեկով, ով գերիների և անհետ կորածների հարցը չի գերադասի հայ-ադրբեջանական մերձեցման օրակարգից։

Նույն ալիքը նաև հիշեցնում է, որ ժամանակին հենց Մարիա Կարապետյանն էր Ազգային ժողովի անցագիր տրամադրել տրանսգենդեր անձին, ով աղմկահարույց ելույթ ունեցավ խորհրդարանի ամբիոնից։

Ադրբեջանցիների մերձավոր պատգամավորը ՀՀ ԱԺ-ում

Ադրբեջանական կապերի մասին հրապարակումներով հանդես է եկել նաև «168 ժամ» պարբերականը՝ անդրադառնալով 2015 թվականին ադրբեջանական Նովրուզի տոնակատարությանը Կարապետյանի մասնակցությանը։

Ըստ ադրբեջանցի Օրխան Նաբիևի՝ յութուբում հրապարակած տեսանյութի՝ պատգամավորը պարել է խարույկի շուրջ և ասել. «Նովրուզի կապակցությամբ շնորհավորում եմ ձեզ բոլորիդ, թող բարի, առատ տարի լինի, գարնան սկիզբը լավը լինի, համբուրում եմ»։

Լրատվամիջոցը նշում է, որ արևմտյան կառույցներում, մասնավորապես «Rondine Cittadella della Pace» կազմակերպությունում վերապատրաստված և դրա տնօրենների խորհրդի կազմում ընդգրկված Կարապետյանը խաղաղություն է քարոզում Հայաստանում այն ֆոնին, երբ Ադրբեջանի ղեկավարությունը հավակնություններ է ներկայացնում հայկական տարածքների նկատմամբ՝ խոսելով նոր պատերազմի մասին։

Ադրբեջանցի պատգամավորների հյուրընկալության պատմությունը

Մարիա Կարապետյանի անվան հետ կապվող մյուս աղմկահարույց պատմությունը վերաբերում է 2022 թվականի փետրվարին Երևան ժամանած ադրբեջանցի պատգամավորներին։ «Եվրանեսթ»-ի շրջանակում Հայաստան ժամանած ադրբեջանական պատվիրակության անվտանգությունն ու հյուրընկալությունը կազմակերպելու գործընթացում Մարիա Կարապետյանը, որպես հայկական պատվիրակության ղեկավար, հայտարարել էր, որ Հայաստան ժամանած բոլոր հյուրերին պետք է պատշաճ ընդունել։ Մինչդեռ Երևանի ռեստորաններից մեկը հրաժարվել էր ադրբեջանական պատվիրակությանը սպասարկել։

Բողոքի ակցիա՝ պատգամավորի տան մոտ

Իսկ դեռևս 2021 թվականին մի խումբ քաղաքացիներ բողոքի ակցիա էին իրականացրել Կարապետյանի բնակության վայրում՝ տարբեր տեղերում փակցնելով նրա լուսանկարը՝ «Այս թաղամասում բնակվում է ԱԺ պատգամավոր, դավաճան Մարիա Կարապետյանը» մակագրությամբ։

Այսօր այդ դրվագները նոր նշանակություն են ստանում՝ հաշվի առնելով, որ Մարիա Կարապետյանին առաջարկվում է ղեկավարել հենց ԱԺ Էթիկայի հարցերի հանձնաժողովը․ մարդ, որ պետք է դատի իր մյուս գործընկերներին, քննարկի նրանց վարքը, էթիկական պարտավորությունները»։

դիտվել է 348 անգամ
Լրահոս
Իշխանություններին կոչ ենք անում զերծ մնալ նման սադրանքներից «Հայաստանում իշխանափոխությունը հնարավոր է երկու ճանապարհով՝ արտաքին և ներքին». Հակոբ Բադալյան Գեղարքունիքի մարզում երկու անչափահաս «Ինֆինիտի»-ով վթարի են ենթարկվել. կա մեկ զոհ «Սպառվել է «հեղափոխական» բանանի մոգական ուժը». Կարեն Հեքիմյան Մեքենաները բախվել են ձիերի, կան ծանր վիրավորներ 18-ամյա աղջիկը մահացել է Ադրբեջանում հաստատում են իմ ասածը․ Տաթևիկ Հայրապետյան Պուտինի թոռանը մոր ազգանունն են տվել, քանի որ երեխայի հոր ազգանունը Զելենսկի է Մելիքյանը՝ Լատվիայի հետ խաղի մասին ՌԴ հակաօդային պաշտպանության ուժերը ոչնչացրել են 230 ուկրաինական անօդաչու թռչող սարք Ռուսաստանի պատասխանը ԱՄՆ-ին Մոպեդավարն ու ուղևորը ԲԿ-ում են Հայաստանի և Լատվիայի հավաքականները չպարզեցին հաղթողին Ազատ են արձակել գերեվարված 600 եմենցի զինծառայողի Գավառում բախվել են «Jeep»-ը և «Lada»-ն, վերջինը հայտնվել է դաշտում․ կա վիրավոր Էստոնիան կփակի Ռուսաստանի հետ սահմանը Լատվիա – Հայաստան․ Ֆուտբոլիստների գնահատականները «Կյանքը բումերանգ է». փաստաբանը հիշել է մի դրվագ Չեմ կարող չանդրադառնալ նաև հրեշավոր ընտրակեղծիքներին Մեկնարկել է մինչև երկու տարեկան երեխայի խնամքի նպաստի վճարման գործընթացը Հորմուզի նեղուցում երկու նավթատար նավ է խորտակվել Արտակարգ դեպք․ «Վաղարշապատ» ԲԿ-ի տարածքում առողջ և հաստաբուն ծառերի սպանդ է իրականացվել Տեղի կունենա Անդրանիկ Թևանյանի և Արեգնազ Մանուկյանի գործով հերթական դատական նիստը
Ամենաընթերցվածները
Շուտով
Նոյեմբերի 16-ին՝ ժամը 16։30-ին, Հայելի ակումբի հյուրն է Հայկ Նահապետյանը Նոյեմբերի 16-ին՝ ժամը 15։00-ին, Հայելի ակումբի հյուրն է Նաիրա Զոհրաբյանը Նոյեմբերի 13-ին՝ ժամը 14։00-ին, Հայելի ակումբի հյուրն է Լարիսա Ալավերդյանը Նոյեմբերի 13-ին՝ ժամը 13։00-ին, Հայելի ակումբի հյուրն է Աշոտ Անդրեասյանը Նոյեմբերի 13-ին՝ ժամը 12։30-ին, Հայելի ակումբի հյուրն է Խաչիկ Մանուկյանը Նոյեմբերի 13-ին՝ ժամը 10։30-ին, Հայելի ակումբի հյուրն է Տիգրան Չոբանյանը Նոյեմբերի 12-ին՝ ժամը 14։00-ին, Հայելի ակումբի հյուրն է Անաստաս Իսրայելյանը Նոյեմբերի 12-ին՝ ժամը 13։00-ին, Հայելի ակումբի հյուրն է Դերենիկ Մալխասյանը Նոյեմբերի 12-ին՝ ժամը 12։00-ին, Հայելի ակումբի հյուրն է Նարինե Դիլբարյանը Նոյեմբերի 12-ին՝ ժամը 11։00-ին, Հայելի ակումբի հյուրն է Կարինե Նալչաջյանը
Հետևեք մեզ Viber-ում https://cutt.ly/5wn8sJBS
Hayeli.am