«Ռոսսելխոզնադզոր»-ը հայտնել է՝ ինչ պայմանով կարող են մեղմացվել Հայաստանի դեմ սահմանափակումները

ՌԴ-ն ակնկալում է, որ Հայաստանը կտրամադրի գյուղատնտեսական մատակարարման շղթաներում խախտումների վերաբերյալ իր հետաքննության արդյունքները և ԵԱՏՄ անասնաբուժական և բուսասանիտարական չափորոշիչների պահպանման ապահովման հստակ գործողությունների ծրագիր, հայտարարել են «Ռոսսելխոզնադզորից»` պատասխանելով հարցին, թե երբ կարող են մեղմացվել կամ ամբողջությամբ վերացվել Հայաստանի նկատմամբ սահմանված սահմանափակումները։

 Ներկայում Ռուսաստանը սահմանափակել է Հայաստանից բուսական ծագման գրեթե բոլոր ապրանքների ներմուծումը, բացառությամբ պահածոների։ Բացի այդ, «Ռոսսելխոզնադզորը» դադարեցրել է Հայաստանի բոլոր ձեռնարկություններից Ռուսաստան ձկնամթերքի մատակարարումները։