«Հրապարակ»․ Հանձնաժողովը սկանդալային ՔՊ-ական համայնքապետի վարքագիծն անթույլատրելի է ճանաչել

Սպիտակի համայնքապետարանի ֆեյսբուքյան պաշտոնական էջը հայտնում է․ «Սպիտակ համայնքի ղեկավար Քաջայր Նիկողոսյանը պարգեւատրվել է «ԱՐՎԵՍՏԱԳԵՏ» կրթամշակութային հասարակական կազմակերպության կողմից՝ «Հովհաննես Թումանյան-150» մեդալով։ Պարգեւը համայնքի ղեկավարին հանձնվել է կրթամշակութային ոլորտում ցուցաբերած աջակցության, մշակույթի զարգացմանն ու պահպանմանն ուղղված նախաձեռնություններին նպաստելու եւ համայնքի մշակութային կյանքի ակտիվացման գործում ունեցած ավանդի համար։ «Հովհաննես Թումանյան-150» մեդալը խորհրդանշում է հայ մեծանուն բանաստեղծ Հովհաննես Թումանյանի ստեղծագործական ժառանգության արժեւորումն ու նրա հիշատակի նկատմամբ հարգանքը։ Սպիտակ համայնքի ղեկավարը շնորհակալություն է հայտնել «ԱՐՎԵՍՏԱԳԵՏ» կրթամշակութային հասարակական կազմակերպության անդամներին՝ բարձր գնահատանքի եւ վստահության համար»։

Քաջայր Նիկողոսյանն ի՞նչ առնչություն ունի մշակույթի եւ Հովհաննես Թումանյանի հետ։ Նրան բնութագրում են այն սկանդալները, որոնց մեջ նա պարբերաբար հայտնվել է։ ՔՊ կուսակցության նախընտրական քարոզարշավի ժամանակ «Ազատություն» ռադիոկայանի լրագրողը, տեսնելով, որ նա ինչ-որ բան է փնթփնթում քթի տակ, հարց է ուղղել Սպիտակ համայնքի ղեկավարին. «Բան ունե՞ք ասելու, պարոն Նիկողոսյան», ինչին նա պատասխանել է. «Քեզ՝ առավել եւս՝ ոչ, Ձեզ՝ առավել եւս՝ ոչ։ Դուք էն մարդը չեք, որ Ձեզ բան ասեմ։ Հասկացողին են ասում»։
Կոռուպցիայի կանխարգելման հանձնաժողովն այդ կապակցությամբ վարույթ է հարուցել։ Հանձնաժողովից տեղեկացա, որ արձանագրել են՝ Սպիտակ համայնքի ղեկավար Ք․ Նիկողոսյանը խախտել է հանրային պաշտոն զբաղեցնող անձանց վարքագծի կանոնները՝ լրագրողի հետ հաղորդակցվելու ընթացքում, նրա դրսեւորած վարքագիծն անհամատեղելի է հանրային պաշտոնյայի վարքագծին։ Համապատասխան եզրակացությունն ընդունվել է 2026 թ․ օգոստոսի 5-ին՝ վարույթի շրջանակում կատարված ուսումնասիրության արդյունքում, այն ուղարկվել է Քաջայր Նիկողոսյանին:

Իսկ 2025 թվականին համայնքի ղեկավար Ք․ Նիկողոսյանը նարդու առաջնություն էր կազմակերպել, մասնակցել ու իր անվան առաջնությունում երրորդ տեղը զբաղեցրել, դրա համար համայնքի բյուջեից ինքն իրեն պարգեւատրել էր 90 հազար դրամով։ Ք. Նիկողոսյանը ԿԿՀ-ում իր նկատմամբ հարուցված վերջին վարույթից եւ որոշումից հետո որոշել է պարզաբանում խնդրել այդ հին իրադարձության հետ կապված: Կոռուպցիայի կանխարգելման հանձնաժողովին հարցրել է՝ կա՞ արդյոք շահերի բախում, որ իր անվան մրցաշարին մասնակցել ու իր ղեկավարած համայնքի բյուջեից 90 հազար դրամ դրամական պարգեւ է ստացել: Հարցման տեքստում նաեւ պատրաստակամություն է հայտնել՝ վերադարձնել գումարը, եթե հանձնաժողովը հաստատի շահերի բախումը։ Հանձնաժողովի պատասխանում նշված է՝ համայնքի ղեկավարը տեղական բյուջեից գումար է նախատեսել մրցույթի համար ու հենց ինքն էլ դրամական պարգեւ ստացել, ինչը շահերի ակնհայտ բախում է: Ապա Ք․ Նիկողոսյանը համայնքի բյուջե է վերադարձրել 90 հազար դրամը:

 «Հրապարակ օրաթերթ»

դիտվել է 426 անգամ
Լրահոս
Իշխանություններին կոչ ենք անում զերծ մնալ նման սադրանքներից «Հայաստանում իշխանափոխությունը հնարավոր է երկու ճանապարհով՝ արտաքին և ներքին». Հակոբ Բադալյան Գեղարքունիքի մարզում երկու անչափահաս «Ինֆինիտի»-ով վթարի են ենթարկվել. կա մեկ զոհ «Սպառվել է «հեղափոխական» բանանի մոգական ուժը». Կարեն Հեքիմյան Մեքենաները բախվել են ձիերի, կան ծանր վիրավորներ 18-ամյա աղջիկը մահացել է Ադրբեջանում հաստատում են իմ ասածը․ Տաթևիկ Հայրապետյան Պուտինի թոռանը մոր ազգանունն են տվել, քանի որ երեխայի հոր ազգանունը Զելենսկի է Մելիքյանը՝ Լատվիայի հետ խաղի մասին ՌԴ հակաօդային պաշտպանության ուժերը ոչնչացրել են 230 ուկրաինական անօդաչու թռչող սարք Ռուսաստանի պատասխանը ԱՄՆ-ին Մոպեդավարն ու ուղևորը ԲԿ-ում են Հայաստանի և Լատվիայի հավաքականները չպարզեցին հաղթողին Ազատ են արձակել գերեվարված 600 եմենցի զինծառայողի Գավառում բախվել են «Jeep»-ը և «Lada»-ն, վերջինը հայտնվել է դաշտում․ կա վիրավոր Էստոնիան կփակի Ռուսաստանի հետ սահմանը Լատվիա – Հայաստան․ Ֆուտբոլիստների գնահատականները «Կյանքը բումերանգ է». փաստաբանը հիշել է մի դրվագ Չեմ կարող չանդրադառնալ նաև հրեշավոր ընտրակեղծիքներին Մեկնարկել է մինչև երկու տարեկան երեխայի խնամքի նպաստի վճարման գործընթացը Հորմուզի նեղուցում երկու նավթատար նավ է խորտակվել Արտակարգ դեպք․ «Վաղարշապատ» ԲԿ-ի տարածքում առողջ և հաստաբուն ծառերի սպանդ է իրականացվել Տեղի կունենա Անդրանիկ Թևանյանի և Արեգնազ Մանուկյանի գործով հերթական դատական նիստը
Ամենաընթերցվածները
Շուտով
Նոյեմբերի 16-ին՝ ժամը 16։30-ին, Հայելի ակումբի հյուրն է Հայկ Նահապետյանը Նոյեմբերի 16-ին՝ ժամը 15։00-ին, Հայելի ակումբի հյուրն է Նաիրա Զոհրաբյանը Նոյեմբերի 13-ին՝ ժամը 14։00-ին, Հայելի ակումբի հյուրն է Լարիսա Ալավերդյանը Նոյեմբերի 13-ին՝ ժամը 13։00-ին, Հայելի ակումբի հյուրն է Աշոտ Անդրեասյանը Նոյեմբերի 13-ին՝ ժամը 12։30-ին, Հայելի ակումբի հյուրն է Խաչիկ Մանուկյանը Նոյեմբերի 13-ին՝ ժամը 10։30-ին, Հայելի ակումբի հյուրն է Տիգրան Չոբանյանը Նոյեմբերի 12-ին՝ ժամը 14։00-ին, Հայելի ակումբի հյուրն է Անաստաս Իսրայելյանը Նոյեմբերի 12-ին՝ ժամը 13։00-ին, Հայելի ակումբի հյուրն է Դերենիկ Մալխասյանը Նոյեմբերի 12-ին՝ ժամը 12։00-ին, Հայելի ակումբի հյուրն է Նարինե Դիլբարյանը Նոյեմբերի 12-ին՝ ժամը 11։00-ին, Հայելի ակումբի հյուրն է Կարինե Նալչաջյանը
Հետևեք մեզ Viber-ում https://cutt.ly/5wn8sJBS
Hayeli.am