«Ժողովուրդ». Ինչո՞ւ կապարակնքված ԱՄԱՌ ռեստորանի խախտումները չէին նկատվում տարիներ շարունակ, ում է պատկանում

«Ժողովուրդ» օրաթերթը գրում է. «Երևանի Ձորափի 35 հասցեում գործող «ԱՄԱՌ» ռեստորանի գործունեությունը դադարեցվել է։ ՀՀ քաղաքաշինության, տեխնիկական և հրդեհային անվտանգության տեսչական մարմնի մասնագետների իրականացրած հրդեհատեխնիկական հետազոտության արդյունքում ռեստորանում արձանագրվել է հրդեհային անվտանգության նորմատիվ պահանջների մեկ տասնյակից ավելի խախտում։

Տեսչական մարմնի ղեկավարի որոշմամբ՝ «ԱՄԱՌ» ՍՊԸ-ի գործունեությունն ամբողջությամբ դադարեցվել է՝ մինչև արձանագրված խախտումների վերացումը։ Որոշման հիման վրա օգոստոսի 17-ին Հարկադիր կատարումն ապահովող ծառայության կողմից ռեստորանը կապարակնքվել է։

Սակայն այս պատմության մեջ ամենաուշագրավ հարցը միայն հայտնաբերված խախտումների քանակը չէ։ Ինչպե՞ս է ստացվել, որ ռեստորանում մեկ տասնյակից ավելի հրդեհային անվտանգության խախտումներ հայտնաբերվել են միայն հիմա։ Ո՞վ է վերահսկել օբյեկտի գործունեությունը մինչ այս։ Ե՞րբ է այն սկսել գործել և ի՞նչ վերահսկողություն է իրականացվել ռեստորանի նկատմամբ նախորդ տարիներին։

Հատկապես ուշագրավ է, որ խոսքը սովորական փոքր տարածքի մասին չէ․ ռեստորանը գտնվում է Երևանի կենտրոնական հատվածում՝ Ձորափի փողոցում, և, ըստ տեսչական մարմնի արձանագրածի, օբյեկտում առկա են եղել այնպիսի խնդիրներ, որոնք, անվտանգության տեսանկյունից, չէին կարող անտեսվել։

«Ժողովուրդ» օրաթերթը պետական ռեգիստրի տվյալներով պարզել է, որ «ԱՄԱՌ» ՍՊԸ-ի 100 տոկոս բաժնետերն ու իրական շահառուն Կարինե Ղազարյանն է՝ 1998 թվականին ծնված։

Սակայն ռեստորանի շուրջ կան նաև այլ ուշագրավ կապեր։ «Ժողովուրդ» օրաթերթի՝ Երևանի քաղաքապետարանի աղբյուրները պնդում են, որ ռեստորանի հետ կապ ունի ՊԵԿ նախկին պաշտոնյա Բաբկեն Ղազարյանը, որը հանրային դաշտում հայտնի է «Թոխմախի Բաբո» մականվամբ։

Նույն աղբյուրների պնդմամբ՝ Ղազարյանը մտերիմ հարաբերություններ ունի «ԲԵԴԵԿ» շինարարական ընկերության սեփականատեր, Էրեբունու նախկին թաղապետ Մհեր Սեդրակյանի որդու՝ Դավիթ Սեդրակյանի հետ։

Այս տեղեկությունները, սակայն, պահանջում են փաստաթղթային լրացուցիչ ստուգում։ Մասնավորապես, անհրաժեշտ է պարզել՝ ի՞նչ կապ ունի Բաբկեն Ղազարյանը «ԱՄԱՌ» ՍՊԸ-ի, ռեստորանի տարածքի և դրա կառուցման հետ, և արդյոք որևէ կապ կամ ազդեցություն է ունեցել դրա շահագործման թույլտվությունների ու վերահսկողության գործընթացներում։

Մյուս կարևոր հարցը Երևանի քաղաքապետարանին է ուղղվում․ ե՞րբ է Ձորափի 35 հասցեում սկսվել ռեստորանի կառուցումն ու շահագործումը, ի՞նչ շինարարական և շահագործման թույլտվություններ են տրամադրվել, և արդյոք քաղաքապետարանի համապատասխան ստորաբաժանումներն այդ ընթացքում որևէ խախտում արձանագրե՞լ են։

Եթե օբյեկտում այսօր մեկ տասնյակից ավելի հրդեհային անվտանգության խախտում կա, ապա հանրության համար տրամաբանական հարց է առաջանում՝ այդ խախտումները ե՞րբ են առաջացել, թե՞ դրանք առկա են եղել ռեստորանի շահագործման ողջ ընթացքում և պարզապես չեն հայտնաբերվել։

Եվ ամենակարևորը՝ ռեստորանը կառուցվել և շահագործվել է համեմատաբար վերջերս, ապա ինչպե՞ս է այն անցել համապատասխան վերահսկողության փուլերը՝ առանց այդ խախտումների արձանագրման։

Տիգրան Ավինյանի ղեկավարած Երևանի քաղաքապետարանն ինչո՞ւ է մինչ օրս աչք փակել աղաղակող խախտումների վրա»։

Առավել մանրամասն թերթի այսօրվա համարում

դիտվել է 516 անգամ
Լրահոս
Իշխանություններին կոչ ենք անում զերծ մնալ նման սադրանքներից «Հայաստանում իշխանափոխությունը հնարավոր է երկու ճանապարհով՝ արտաքին և ներքին». Հակոբ Բադալյան Գեղարքունիքի մարզում երկու անչափահաս «Ինֆինիտի»-ով վթարի են ենթարկվել. կա մեկ զոհ «Սպառվել է «հեղափոխական» բանանի մոգական ուժը». Կարեն Հեքիմյան Մեքենաները բախվել են ձիերի, կան ծանր վիրավորներ 18-ամյա աղջիկը մահացել է Ադրբեջանում հաստատում են իմ ասածը․ Տաթևիկ Հայրապետյան Պուտինի թոռանը մոր ազգանունն են տվել, քանի որ երեխայի հոր ազգանունը Զելենսկի է Մելիքյանը՝ Լատվիայի հետ խաղի մասին ՌԴ հակաօդային պաշտպանության ուժերը ոչնչացրել են 230 ուկրաինական անօդաչու թռչող սարք Ռուսաստանի պատասխանը ԱՄՆ-ին Մոպեդավարն ու ուղևորը ԲԿ-ում են Հայաստանի և Լատվիայի հավաքականները չպարզեցին հաղթողին Ազատ են արձակել գերեվարված 600 եմենցի զինծառայողի Գավառում բախվել են «Jeep»-ը և «Lada»-ն, վերջինը հայտնվել է դաշտում․ կա վիրավոր Էստոնիան կփակի Ռուսաստանի հետ սահմանը Լատվիա – Հայաստան․ Ֆուտբոլիստների գնահատականները «Կյանքը բումերանգ է». փաստաբանը հիշել է մի դրվագ Չեմ կարող չանդրադառնալ նաև հրեշավոր ընտրակեղծիքներին Մեկնարկել է մինչև երկու տարեկան երեխայի խնամքի նպաստի վճարման գործընթացը Հորմուզի նեղուցում երկու նավթատար նավ է խորտակվել Արտակարգ դեպք․ «Վաղարշապատ» ԲԿ-ի տարածքում առողջ և հաստաբուն ծառերի սպանդ է իրականացվել Տեղի կունենա Անդրանիկ Թևանյանի և Արեգնազ Մանուկյանի գործով հերթական դատական նիստը
Ամենաընթերցվածները
Շուտով
Նոյեմբերի 16-ին՝ ժամը 16։30-ին, Հայելի ակումբի հյուրն է Հայկ Նահապետյանը Նոյեմբերի 16-ին՝ ժամը 15։00-ին, Հայելի ակումբի հյուրն է Նաիրա Զոհրաբյանը Նոյեմբերի 13-ին՝ ժամը 14։00-ին, Հայելի ակումբի հյուրն է Լարիսա Ալավերդյանը Նոյեմբերի 13-ին՝ ժամը 13։00-ին, Հայելի ակումբի հյուրն է Աշոտ Անդրեասյանը Նոյեմբերի 13-ին՝ ժամը 12։30-ին, Հայելի ակումբի հյուրն է Խաչիկ Մանուկյանը Նոյեմբերի 13-ին՝ ժամը 10։30-ին, Հայելի ակումբի հյուրն է Տիգրան Չոբանյանը Նոյեմբերի 12-ին՝ ժամը 14։00-ին, Հայելի ակումբի հյուրն է Անաստաս Իսրայելյանը Նոյեմբերի 12-ին՝ ժամը 13։00-ին, Հայելի ակումբի հյուրն է Դերենիկ Մալխասյանը Նոյեմբերի 12-ին՝ ժամը 12։00-ին, Հայելի ակումբի հյուրն է Նարինե Դիլբարյանը Նոյեմբերի 12-ին՝ ժամը 11։00-ին, Հայելի ակումբի հյուրն է Կարինե Նալչաջյանը
Հետևեք մեզ Viber-ում https://cutt.ly/5wn8sJBS
Hayeli.am