Facebook-ն ու Google-ը սպառնալիք են .Սորոս

Միլիարդատեր Ջորջ Սորոսը՝ ելույթ ունենալով Դավոսում ընթացող Միջազգային տնտեսական ֆորումում հայտարարել է,որ  Facebook սոցցանցն ու Google-ը սպառնալիք են ներկայացնում հասարակության համար: «Նրանք հանդուգն կերպով իրենց ծառայություններում ներկառուցում են կախվածություն։ Դա կարող է շատ վնասակար լինել, հատկապես երիտասարդների համար։ Նմանություն կա համացանցային հարթակների և ազարտային խաղերի միջև։ Խաղատները մշակել են միջոցներ՝ խաղացողներից տանելու նրանց բոլոր գումարները, նույնիսկ այն գումարները, որոնք նրանք չունեն»,-Business Insider- ի փոխանցմամբ հայտարարել է գործարարը։ « Facebook-ն ու Google-ը ստեղծում են «մարդկանց ազատության մենաշնորհ»։Սոցցանցերը ստիպում են մարդկանց հրաժարվել ինքնավարությունից, իսկ մարդկանց ուշադրությունը գրավող ուժն ավելի ու ավելի է կենտրոնանում փոքրաթիվ ընկերությունների ձեռքերում»,-ասել է Սորոսը։