Ինչ հայտարարագիր ունի Վեհափառի և Սրբազանների գործով դատավորը

Վեհափառ Հայրապետի և Հայ Առաքելական Սուրբ Եկեղեցու 6 Սրբազանների քրեական գործը մակագրվել է Արմավիրի մարզի առաջին ատյանի ընդհանուր իրավասության քրեական դատարանի դատավոր Սերժ Ռուշանյանին։ 24News-ն ուսումնասիրել է դատաավորի 2025 թվականի գույքի և եկամուտների հայտարարագիրը, որը նա Կոռուպցիայի կանխարգելման հանձնաժողով է ներկայացրել 2026 թվականի մայիսի 4-ին։

Նա միանձնյա սեփականության իրավունքով տուն է հայտարարգրել, որը գտնվում է Աջափնյակ վարչական շրջանում։ Նույն տարվա ընթացքում նա տունը օտարել է, իսկ արվա վերջում անշարժ գույք չի հայտարարագրել։

Դատավորը հայտարարգրել է 2007 թվականի արտադրության LAND ROVER մակնիշի ավտոմեքենա, որը ձեռք է բերել 2022 թվականին, իսկ 2025 թվակնին մեքենան 4 միլիոն դրամով վաճառել է։

Նա շահագործում է 3-րդ անձին սեփականության իրավունքով 2025 թվկանի արտադրության TOYOTA մակնիշի մեքենա։

Հաշվետու տարվա սկզբում դատավորը բանկային հաշվում ունեցել է 72,235 դրամ, որը տարվա ավարտին կազմել է 145,247 դրամ։ Դատավոր Սերժ Ռուշանյանը տարվա սկզբում հայտարարագրել է 6,000,000 կանխիկ դրամ, որը տարվա ավարտին կազմել է 13,500,000 դրամ։

Հաշվետու տարվա ընթացքում նա եկամուտ է ստացել 7 աղբյուրից, ընդհանուր՝ 40,598,019 դրամ, որից 4 միլիոն դրամը մեքենայի վաճառքից, 20 հազար դոլարը՝ հարսանեկան նվերներ, 2,319,890 դրամը՝ Ֆինանսների նախարարությունից որպես եկամտահարկի վերադարձ, 5,549,795 դրամը բանկերից մեկից վարկ է վերցրել, 72 հազար դրամը՝ պետական բյուջեով նախատեսված սոցիալական փաթեթ, 8 միլիոն դրամը ևս հարսանեկան նվերներ և 13,240,734 դրամը՝ ԲԴԽ-ից որպես աշխատավարձ։ Ստացված վարկերի և փոխառությունների մայր գումարի մնացորդը հաշվետու տարվա դեկտեմբերի 31-ի դրությամբ կազմել է ընդհանուր 39,247,345 դրամ։ Վարկի մարմանն ուղղել է 3,986,844 դրամ, 10,000,000 դրամ է ծախսել, սակայն նշված չէ, թե ինչի համար։

Նշենք, որ դատավոր Սերժ Ռուշանյանը 29 տարեկան է, ծնվել է մարտի 9-ին Երևանում։
2022թ. մարտ ամսից մինչև 2022թ. սեպտեմբեր ամիսն աշխատել է Արդարադատության նախարարությունում որպես նախարարի խորհրդական։

Դասավանդել է Ոստիկանության կրթահամալրում քրեական իրավունք, սահմանադրական իրավունք։

2020թ. փետրվար ամսից մինչև 2020թ. հոկտեմբեր ամիսը դասավանդել է Ոստիկանության կրթահամալրում արտասահմանյան երկրների սահմանադրական իրավունք։

2023թ. հուլիսի 6-ին ՀՀ նախագահի թիվ ՆՀ-231-Ա հրամանագրով նշանակվել է Տավուշի մարզի առաջին ատյանի ընդհանուր իրավասության դատարանի դատավոր: