Ինչ ունեցվածք ունի նախկին վարչապետի որդուն կալանավորած դատավոր Ջոն Հայրապետյանը․ «Ժողովուրդ»

«Ժողովուրդ» օրաթերթը գրում է. «Ինչպես «Ժողովուրդ» օրաթերթը երեկ տեղեկացել էր, ՀՀ նախկին վարչապետ Հովիկ Աբրահամյանի որդուն՝ Արգամ Աբրահամյանին, երկու ամսով կալանավորելու որոշումը կայացրել է Երևանի քաղաքի դատարանի դատավոր Ջոն Հայրապետյանը։ Հիշեցնենք, որ Արգամ Աբրահամյանը ձերբակալվել էր սպանություն պատվիրելու մեղադրանքով, ինչի մասին Քննչական կոմիտեն հայտնել էր օգոստոսի 8-ին։

Այժմ ներկայացնում ենք, թե ինչ ճանապարհ է անցել Ջոն Հայրապետյանը մինչև դատավոր դառնալը, և ինչ ունեցվածք է նա հայտարարագրել։

Ջոն Հայրապետյանը ծնվել է 1989 թվականին Երևանում։ 2012-2019 թվականներին աշխատել է ՀՀ վճռաբեկ դատարանում՝ նախ որպես դատավորի օգնական, ապա՝ դատավորի ավագ օգնական։ 2019 թվականի նոյեմբերին նշանակվել է Շիրակի մարզի առաջին ատյանի ընդհանուր իրավասության դատարանի դատավոր, իսկ 2020 թվականի հոկտեմբերին՝ Երևան քաղաքի առաջին ատյանի ընդհանուր իրավասության դատարանի դատավոր։

Ջոն Հայրապետյանը հանրությանը առավել հայտնի է «Հյուսիսային տերևաթափ» անունով հայտնի քրեական գործով, որը նա նախագահում է Երևանի ընդհանուր իրավասության քրեական դատարանում։ Գործը վերաբերում է, ըստ մեղադրանքի, մի խմբի կողմից ահաբեկչական գործողություններ նախապատրաստելու, պետական մարմինների գործունեությունը կազմալուծելու և պետական նշանակության շինություններ զավթելու ու պահելու ենթադրյալ ծրագրին։ Քննչական մարմինների վարկածով՝ խմբի անդամները նախապատրաստել էին պայթյուններ և այլ հանրավտանգ գործողություններ, սակայն ծրագիրը բացահայտվել էր ԱԱԾ-ի կողմից և չէր իրականացվել։

Երևան քաղաքի առաջին ատյանի ընդհանուր իրավասության քրեական դատարանի դատավոր Ջոն Հայրապետյանը 2025 թվականի տարեկան հայտարարագրի համաձայն՝ 2025 թվականի սկզբին նա ունեցել է համատեղ սեփականությամբ Երևանում երկու անշարժ գույք՝ ավտոկայանատեղի, որը ձեռք է բերել 2024 թվականի օգոստոսի 22-ին, ինչպես նաև համատեղ սեփականությամբ բնակարան, որը ձեռք է բերել 2024 թվականի օգոստոսի 15-ին։ Տարվա վերջին երկու գույքերն էլ պահպանվել են։

Տրանսպորտային միջոցներից դատավորի հայտարարագրում նշված է 2021 թվականի արտադրության Tesla մարդատար ավտոմեքենա։ Այն ձեռք է բերվել 2024 թվականի հունվարի 24-ին՝ գնման եղանակով։

Բանկային ավանդի մնացորդը 2025 թվականի սկզբին եղել է 0 դրամ, իսկ տարեվերջին՝ 4 մլն դրամ։

Բանկային հաշիվների մնացորդները տարվա ընթացքում փոփոխվել են։ Տարվա սկզբին մեկ հաշվին առկա է եղել 144 հազար 432 դրամ, տարեվերջին՝ 216 հազար դրամ։ Մեկ այլ հաշվին սկզբնական մնացորդը կազմել է 95 հազար դրամ, իսկ վերջնականը՝ 813 հազար դրամ։ Երրորդ հաշվին տարվա սկզբին եղել է 1 մլն 1 հազար 127 դրամ, իսկ տարեվերջին՝ 425 հազար դրամ։

Դոլարային հաշվին տարվա սկզբին եղել է 111 ԱՄՆ դոլար, իսկ տարեվերջին՝ 1,311 ԱՄՆ դոլար։ Մեկ այլ հաշվին տարվա սկզբի մնացորդը կազմել է 608 հազար դրամ, իսկ տարեվերջինը՝ 606 հազար դրամ։

Դատավորի հայտարարագրում ներառված են նաև կրիպտոարժույթներ։ Տարվա սկզբին նա ունեցել է 2,000 FTN, իսկ տարվա վերջին՝ 8.5 ZEC։ NOT կրիպտոարժույթի դեպքում տարվա սկզբի և վերջի մնացորդը կազմել է 150,718, իսկ TON-ի դեպքում՝ 707։

Կանխիկ միջոցները տարվա ընթացքում չեն փոխվել։ Տարվա սկզբին և վերջին նա ունեցել է 2 մլն դրամ և 4 հազար ԱՄՆ դոլար կանխիկ գումար։

Ջոն Հայրապետյանի 2025 թվականի ընդհանուր եկամուտը կազմել է 24 մլն 412 հազար 848 դրամ։ Նա «Հայաստանում ֆրանսիական համալսարան» հիմնադրամից ստացել է 668 հազար 432 դրամ աշխատանքի վարձատրություն։

ՀՀ Բարձրագույն դատական խորհրդի աշխատակազմ՝ Դատական դեպարտամենտից նրա ստացած աշխատանքի վարձատրությունը կազմել է 14 մլն 538 հազար 281 դրամ։

«Ռուս-Հայկական համալսարան»-ից նա ստացել է 320 հազար դրամ՝ քաղաքացիաիրավական այլ պայմանագրերից, և 639 հազար 635 դրամ՝ աշխատանքի վարձատրության և դրան հավասարեցված այլ վճարումների տեսքով։

ՀՀ ՆԳՆ կրթահամալիրից ստացած եկամուտը կազմել է 240 հազար 500 դրամ՝ քաղաքացիաիրավական այլ պայմանագրերից։

Վարձակալության դիմաց դատավորը ստացել է 5 մլն 940 հազար դրամ, իսկ ՀՀ ֆինանսների նախարարությունից՝ 2 մլն 66 հազար դրամ եկամտային հարկի վերադարձ։

2025 թվականի դեկտեմբերի 31-ի դրությամբ Ջոն Հայրապետյանի վարկի մայր գումարի մնացորդը կազմել է 19 մլն 286 հազար 234 դրամ։ Այն հիփոթեքային վարկ է՝ բնակարանի և ավտոկայանատեղիի ձեռքբերման նպատակով։ Վարկի մարմանն ուղղված վճարումները տարվա ընթացքում կազմել են 3 մլն 942 հազար 749 դրամ»։

դիտվել է 414 անգամ
Լրահոս
Իշխանություններին կոչ ենք անում զերծ մնալ նման սադրանքներից «Հայաստանում իշխանափոխությունը հնարավոր է երկու ճանապարհով՝ արտաքին և ներքին». Հակոբ Բադալյան Գեղարքունիքի մարզում երկու անչափահաս «Ինֆինիտի»-ով վթարի են ենթարկվել. կա մեկ զոհ «Սպառվել է «հեղափոխական» բանանի մոգական ուժը». Կարեն Հեքիմյան Մեքենաները բախվել են ձիերի, կան ծանր վիրավորներ 18-ամյա աղջիկը մահացել է Ադրբեջանում հաստատում են իմ ասածը․ Տաթևիկ Հայրապետյան Պուտինի թոռանը մոր ազգանունն են տվել, քանի որ երեխայի հոր ազգանունը Զելենսկի է Մելիքյանը՝ Լատվիայի հետ խաղի մասին ՌԴ հակաօդային պաշտպանության ուժերը ոչնչացրել են 230 ուկրաինական անօդաչու թռչող սարք Ռուսաստանի պատասխանը ԱՄՆ-ին Մոպեդավարն ու ուղևորը ԲԿ-ում են Հայաստանի և Լատվիայի հավաքականները չպարզեցին հաղթողին Ազատ են արձակել գերեվարված 600 եմենցի զինծառայողի Գավառում բախվել են «Jeep»-ը և «Lada»-ն, վերջինը հայտնվել է դաշտում․ կա վիրավոր Էստոնիան կփակի Ռուսաստանի հետ սահմանը Լատվիա – Հայաստան․ Ֆուտբոլիստների գնահատականները «Կյանքը բումերանգ է». փաստաբանը հիշել է մի դրվագ Չեմ կարող չանդրադառնալ նաև հրեշավոր ընտրակեղծիքներին Մեկնարկել է մինչև երկու տարեկան երեխայի խնամքի նպաստի վճարման գործընթացը Հորմուզի նեղուցում երկու նավթատար նավ է խորտակվել Արտակարգ դեպք․ «Վաղարշապատ» ԲԿ-ի տարածքում առողջ և հաստաբուն ծառերի սպանդ է իրականացվել Տեղի կունենա Անդրանիկ Թևանյանի և Արեգնազ Մանուկյանի գործով հերթական դատական նիստը
Ամենաընթերցվածները
Շուտով
Նոյեմբերի 16-ին՝ ժամը 16։30-ին, Հայելի ակումբի հյուրն է Հայկ Նահապետյանը Նոյեմբերի 16-ին՝ ժամը 15։00-ին, Հայելի ակումբի հյուրն է Նաիրա Զոհրաբյանը Նոյեմբերի 13-ին՝ ժամը 14։00-ին, Հայելի ակումբի հյուրն է Լարիսա Ալավերդյանը Նոյեմբերի 13-ին՝ ժամը 13։00-ին, Հայելի ակումբի հյուրն է Աշոտ Անդրեասյանը Նոյեմբերի 13-ին՝ ժամը 12։30-ին, Հայելի ակումբի հյուրն է Խաչիկ Մանուկյանը Նոյեմբերի 13-ին՝ ժամը 10։30-ին, Հայելի ակումբի հյուրն է Տիգրան Չոբանյանը Նոյեմբերի 12-ին՝ ժամը 14։00-ին, Հայելի ակումբի հյուրն է Անաստաս Իսրայելյանը Նոյեմբերի 12-ին՝ ժամը 13։00-ին, Հայելի ակումբի հյուրն է Դերենիկ Մալխասյանը Նոյեմբերի 12-ին՝ ժամը 12։00-ին, Հայելի ակումբի հյուրն է Նարինե Դիլբարյանը Նոյեմբերի 12-ին՝ ժամը 11։00-ին, Հայելի ակումբի հյուրն է Կարինե Նալչաջյանը
Հետևեք մեզ Viber-ում https://cutt.ly/5wn8sJBS
Hayeli.am