Կիլիկիո կաթողիկոսարանը հրավիրում է մասնակցելու Սուրբ Աստվածածին վանքի ուխտի արարողություններին

Մեծի Տանն Կիլիկիո Կաթողիկոսությունից հայտարարություն է արվել․
«ՍՈՒՐԲ ԱՍՏՈՒԱԾԱԾԻՆ ՎԱՆՔԻ ՈՒԽՏԻ ՕՐՈՒԱՆ ԱՌԻԹՈՎ՝ ԵՐԵԿՈՅԵԱՆ ՍՈՒՐԲ ԵՒ ԱՆՄԱՀ ՊԱՏԱՐԱԳՆԵՐ ՍՈՒՐԲ ԱՍՏՈՒԱԾԱԾԻՆ ՎԱՆՔԻՆ ՄԷՋ

(10-14 ՕԳՈՍՏՈՍ 2026)
Հովանաւորութեամբ եւ օրհնութեամբ Ն.Ս.Օ.Տ.Տ. Արամ Ա. Վեհափառ Հայրապետին եւ կազմակերպութեամբ Կաթողիկոսարանիս Քրիստոնէական Դաստիարակութեան Բաժանմունքին, Երկուշաբթիէն Հինգշաբթի՝ 10-13 Օգոստոս 2026-ին, ամէն ԵՐԵԿՈՅ ժամը 07:00-ին, Պիքֆայայի Սուրբ Աստուածածին Վանքի համանուն մատրան մէջ, Սուրբ Աստուածածին Վանքի Ուխտի Օրուան առիթով պիտի մատուցուին ՍՈՒՐԲ ԵՒ ԱՆՄԱՀ ՊԱՏԱՐԱԳՆԵՐ՝ միաբան հայրերու կողմէ, երգեցողութեամբ՝ ԼԻԲԱՆԱՆԻ ՀԱՅՈՑ ԹԵՄԻ ԴՊՐԱՑ ԴԱՍԵՐՈՒՆ եւ մասնակցութեամբ՝ ԴՊՐԵՎԱՆՔԻ ՍԱՆԵՐՈՒՆ։ Սուրբ Պատարագներու աւարտին տեղի պիտի ունենան ՕՐՀՆՈՒԹԻՒՆՆԵՐ եւ ՀԻՒՐԱՍԻՐՈՒԹԻՒՆ:
Իսկ Ուրբաթ, 14 Օգոստոս 2026-ի առաւօտեան ժամը 10։00-ին, Սուրբ Աստուածածին մատրան (Պիքֆայա) մէջ տեղի պիտի ունենայ ՀՈԳԵՒՈՐ ԽՈՐՀՐԴԱԾՈՒԹԻՒՆ, եւ ապա Սրբոց Նահատակաց բացօթեայ խորանին դիմաց՝ ԱՆԴԱՍՏԱՆ եւ ԱՂԻ ՕՐՀՆՈՒԹԻՒՆ։ Ապա, Վեհափառ Հայրապետը պիտի ընդունի հաւատացեալ ժողովուրդը եւ աջահամբոյրով տայ իր օրհնութիւնը։
Նոյն օրը՝ Ուրբաթ երեկոյեան ժամը 07։00-ին, տեղի պիտի ունենայ Հսկումի արարողութիւն։
Կոչ կ՚ուղղենք մեր ժողովուրդի բոլոր զաւակներուն մասնակից դառնալու երեկոյեան Սուրբ Պատարագներուն եւ լեցուելու հայ եկեղեցւոյ կրօնական ապրումներով ու Աստուածամօր մայրութեան նուիրական օրինակով:
— — —
ՓՈԽԱԴՐԱԿԱՌՔԵՐ
Սուրբ Պատարագներուն մասնակցելու համար տրամադրուած պիտի ըլլան փոխադրակառքեր, որոնք երեկոները պիտի շարժին ժամը 05:30-ին, իսկ Ուրբաթ առաւօտ՝ ժամը 08։30-ին եւ երեկոյեան՝ ժամը 05։30-ին, հետեւեալ վայրերէն.-
– Ս. Վարդանանց (Պուրճ Համուտ)
– Ս. Ագնէս վարժարան (Պուրճ Համուտ)
– Ազգային Ծերանոց (Պուրճ Համուտ)
– «Tico-Tico» (Զալքա)
– «Աղբալեան» ակումբ (Մըզհէր)
– «Սիմիտեան» Շէնքեր (Անթիլիաս)
– Մայրավանքին դիմաց (Անթիլիաս)
– «ԷՀԼԱՆ» շէնքեր (Ռաուտա)
– «Hampo Market» (Ֆանար)։
ԿԱԹՈՂԻԿՈՍԱՐԱՆԻ ՔՐԻՍՏՈՆԷԱԿԱՆ