Ես կեղտ եմ համարում այն մարդկանց, ովքեր սուտ են խոսում, զրպարտում են․ Լևոն Քոչարյան
«Այն ոստիկանը, ով քաղաքացուն՝ բացարձակապես ոչինչ չանելու, նույնիսկ հետը առանց մի բառ խոսելու, կսկսի հարվածել, իմ համար դադարում է կրել այն պատիվը, որը պիտի ունենա ոստիկանի համազգեստ կրողը։ Ինքը կեղտ է իմ համար։ Ավելին ասեմ, ու խոսքը հենց դրա մասին է եղել այդ դեպքերի համատեքստում. այն բառերը, որոնք ես այդ մեքենայի մեջ հնչեցրել եմ, եղել են նրա համար, որ ինքը իմանա, որ դա կոնկրետ իրեն է վերաբերել, ու մյուս ոստիկանները իմանան, որ իրենց չի վերաբերել։
Դրանից բացի, ես կեղտ եմ համարում նաև այն մարդկանց, ովքեր սուտ են խոսում, զրպարտում են, [վիրավորում] ուրիշի արժանապատվությունը՝ երևի սեփականը չունենալով հանդերձ։ Այն, ինչ դուք ասում եք իմ երիտասարդության մասին կատարյալ սուտ է։ Չգիտեմ, երևի անհույս է ուղղակի այս կարգի հարցերում ձեզ ինչ-որ հարց տալը, որովհետև կատարյալ դեմագոգիան ու ստախոսությունը պարզապես սահման չունեն։ Ուրիշ ասելիք ձեզ, իսկականից, պարզապես չունեմ»,- ԱԺ-ում նման հայտարարություն արեց «Հայաստան» խմբակցության պատգամավոր Լևոն Քոչարյանը՝ դիմելով Վահագն Ալեքսանյանին։
Հետևեք մեզ Viber-ում
