Արտյոմ Մեհրաբյանի կարճատև պատգամավորությունն ու հայտարարագրերի խճանկարը․ ի՞նչ ունեցվածքով նա հեռացավ

«Ժողովուրդ» օրաթերթը գրում է. «Խորհրդարանական վերջին զարգացումների ֆոնին «Քաղաքացիական պայմանագիր» խմբակցության անդամ Արտյոմ Մեհրաբյանի համար պատգամավոր լինելը շատ կարճ տևեց։ Նա չկա նոր խորհրդարանում, սակայն նրա պաշտոնավարման ընթացքն ու ներկայացրած հայտարարագրերը բավականին ուշագրավ պատկեր են ստեղծում։

«Ժողովուրդ» օրաթերթը ցանկացել է պարզել, թե ով էր, ի վերջո, ՔՊ-ական այս պատգամավորը, և ինչ ունեցվածքով նա հեռացավ քաղաքական ասպարեզից՝ ուսումնասիրելով նրա անցած ուղին ու ֆինանսական միջոցների շարժը պաշտոնը ստանձնելիս և հեռանալիս։

Ունեցվածքը մինչև խորհրդարան գալը և 130 մլն դրամի առեղծվածը

Արտյոմ Մեհրաբյանը, ով «Ժողովրդավարական հայրենիք» կուսակցության նախկին փոխնախագահ, վաղամեռիկ Ղուկաս Մեհրաբյանի որդին է, մինչև խորհրդարան հասնելը զբաղեցրել է մի շարք առանցքային պաշտոններ։ 2019 թվականին նա Աջափնյակ վարչական շրջանի աշխատակազմի քարտուղարն էր, ապա՝ Չարենցավանի հաստոցաշինական գործարանի տնօրենը, իսկ 2022-2024 թվականներին ղեկավարում էր ԲՏԱ նախարարության Ռազմարդյունաբերության կոմիտեն։

ԱԺ է եկել 2025 թվականի ապրիլին։

Դեռևս 2024 թվականին ArmLur.am-ը և «Ժողովուրդ» օրաթերթը գրել էին, որ, երբ վարչապետի որոշմամբ Մեհրաբյանն ազատվեց Կոմիտեի նախագահի պաշտոնից, նրա ունեցվածքի պատկերը բավականին տպավորիչ էր։ Այդ տարվա հայտարարագրով նա ուներ մեկ բնակարան Երևանում, որևէ տրանսպորտային միջոց չէր հայտարարագրել, սակայն նրա բանկային հաշիվների մնացորդները կազմում էին ռեկորդային 130 միլիոն դրամ, իսկ կանխիկ միջոցները՝ 10 միլիոն դրամ։

Այն ժամանակ նրա հաշվետու տարվա եկամուտները գերազանցել էին 16.3 միլիոն դրամը, իսկ հիփոթեքային վարկի մայր գումարի մնացորդը՝ 45.4 միլիոն դրամ էր, որի մարման նպատակով Ֆինանսների նախարարությունից ստացել էր ավելի քան 2.2 միլիոն դրամ եկամտահարկի վերադարձ։ Դեռ այն ժամանակ մենք հիշեցրել էինք իշխանությունների՝ խնամի-ծանոթ-բարեկամ հանգույցը մերժելու խոստումների մասին, քանի որ Մեհրաբյանի կինը՝ Աննա Բալայանը, որպես ընդհանուր բաժնի ղեկավար, աշխատում էր այն նույն Աջափնյակի թաղապետարանում, որտեղից սկսվել էր ամուսնու վերելքը՝ ընդգծելով, որ հենց այս տեսքն ունի իշխանության կողմից սիրված «պոզով և պոչով» կոռուպցիան։

Պաշտոնը ստանձնելու հայտարարագիրը. անհետացած միլիոններն ու խոշոր փոխառությունը

Արդեն 2025 թվականի ապրիլի 9-ին Մեհրաբյանը խորհրդարան մտավ՝ ստանձնելով ԱԺ պատգամավորի լիազորությունները։ Ուսումնասիրելով պաշտոնը ստանձնելու օրվա դրությամբ նրա ներկայացրած հայտարարագիրը՝ նկատում ենք հետաքրքիր փոխակերպումներ. նախկին 130 միլիոն դրամ բանկային մնացորդն անհետացել էր։ Փոխարենը պատգամավորը հայտարարագրել էր ընդամենը 1.48 միլիոն դրամ բանկային հաշվին և 7.5 միլիոն դրամ կանխիկ գումար։

Բանկային խոշոր միջոցների փոխարեն ի հայտ էր եկել խոշոր փոխառություն. Մեհրաբյանը զրո տոկոսադրույքով 54.8 միլիոն դրամ էր տրամադրել «Ռատկո» ՍՊԸ-ին։ Մինչև մանդատ ստանձնելը նրա եկամուտը կազմել էր շուրջ 6.3 միլիոն դրամ, որը գոյացել էր վարկից և երկու՝ «ԴԻԱՅԷՍ» ու «ՄԱՐՔՍ-ՄԱՆ» ընկերություններում աշխատանքի վարձատրությունից։ Զուգահեռաբար, նրա կինը հասցրել էր մասնակցություն ձեռք բերել բիզնեսում՝ դառնալով «ԴԻԱՅԷՍ»-ի 66 տոկոսի և «ԷՅ ԷՍ ՊԻ ՎԻ» ընկերության 50 տոկոսի սեփականատերն ու տնօրենը։

2025 թվականի տարեկան պատկերը. աճած կանխիկն ու ընտանիքի բիզնես շահերը

Պատգամավորական մանդատի այս կարճատև ժամանակահատվածն ամփոփող՝ 2025 թվականի տարեկան հայտարարագիրը լրացնում է նրա ունեցվածքի ընդհանուր խճանկարը։ Տարեվերջին «Ռատկո» ՍՊԸ-ին տրամադրված փոխառությունը նվազել է՝ հասնելով 46.5 միլիոն դրամի։ Չնայած բանկային հաշիվների մնացորդը կազմել է ընդամենը 221 հազար դրամ, նրա կանխիկ միջոցները կրկին աճել են՝ հասնելով 10 միլիոն 85 հազար դրամի։

Տարվա ընթացքում Մեհրաբյանի ընդհանուր եկամուտը կազմել է ավելի քան 15.3 միլիոն դրամ, որի հիմնական աղբյուրն Ազգային ժողովի վճարած 10.2 միլիոն դրամ աշխատավարձն է եղել, և ՊԵԿ-ից եկամտային հարկի վերադարձը՝ շուրջ 2.6 միլիոն դրամի չափով։ Միաժամանակ, նրա վարկային պարտավորությունները դեկտեմբերի 31-ի դրությամբ կազմել են շուրջ 49.7 միլիոն դրամ, որից հիփոթեքը կազմում է 42.7 միլիոն դրամ, իսկ մնացածը՝ այլ վարկ է։ Նա նաև 3 միլիոն դրամ է ծախսել անշարժ գույքի վերանորոգման վրա և ևս 7.7 միլիոն ուղղել վարկերի մարմանը։

Այսպիսով, վարչական շրջանի ապարատից մինչև ռազմարդյունաբերության ոլորտի ղեկավար, ապա՝ ՔՊ-ական պատգամավոր դարձած Արտյոմ Մեհրաբյանի քաղաքական կարիերան գուցե խիստ կարճատև ստացվեց, սակայն պաշտոնական այս վայրիվերումների ընթացքում նրա և նրա ընտանիքի բիզնես շահերի, տասնյակ միլիոնների հասնող փոխառությունների և եկամուտների շարժը խոսուն փաստեր են թողնում նախկին պաշտոնյայի ֆինանսական գործունեության մասին։ Հետաքրքիր է նաև այն ուշագրավ հանգամանքը, որ Կոռուպցիայի կանխարգելման հանձնաժողովի (ԿԿՀ) կայքում մենք գտանք միայն նրա՝ 2025 թվականի պաշտոնը ստանձնելու և տարեկան հայտարարագրերը, իսկ նախորդ տարիների հայտարարագրերն այնտեղ պարզապես չկան»։

դիտվել է 356 անգամ
Լրահոս
Իշխանություններին կոչ ենք անում զերծ մնալ նման սադրանքներից «Հայաստանում իշխանափոխությունը հնարավոր է երկու ճանապարհով՝ արտաքին և ներքին». Հակոբ Բադալյան Գեղարքունիքի մարզում երկու անչափահաս «Ինֆինիտի»-ով վթարի են ենթարկվել. կա մեկ զոհ «Սպառվել է «հեղափոխական» բանանի մոգական ուժը». Կարեն Հեքիմյան Մեքենաները բախվել են ձիերի, կան ծանր վիրավորներ 18-ամյա աղջիկը մահացել է Ադրբեջանում հաստատում են իմ ասածը․ Տաթևիկ Հայրապետյան Պուտինի թոռանը մոր ազգանունն են տվել, քանի որ երեխայի հոր ազգանունը Զելենսկի է Մելիքյանը՝ Լատվիայի հետ խաղի մասին ՌԴ հակաօդային պաշտպանության ուժերը ոչնչացրել են 230 ուկրաինական անօդաչու թռչող սարք Ռուսաստանի պատասխանը ԱՄՆ-ին Մոպեդավարն ու ուղևորը ԲԿ-ում են Հայաստանի և Լատվիայի հավաքականները չպարզեցին հաղթողին Ազատ են արձակել գերեվարված 600 եմենցի զինծառայողի Գավառում բախվել են «Jeep»-ը և «Lada»-ն, վերջինը հայտնվել է դաշտում․ կա վիրավոր Էստոնիան կփակի Ռուսաստանի հետ սահմանը Լատվիա – Հայաստան․ Ֆուտբոլիստների գնահատականները «Կյանքը բումերանգ է». փաստաբանը հիշել է մի դրվագ Չեմ կարող չանդրադառնալ նաև հրեշավոր ընտրակեղծիքներին Մեկնարկել է մինչև երկու տարեկան երեխայի խնամքի նպաստի վճարման գործընթացը Հորմուզի նեղուցում երկու նավթատար նավ է խորտակվել Արտակարգ դեպք․ «Վաղարշապատ» ԲԿ-ի տարածքում առողջ և հաստաբուն ծառերի սպանդ է իրականացվել Տեղի կունենա Անդրանիկ Թևանյանի և Արեգնազ Մանուկյանի գործով հերթական դատական նիստը
Ամենաընթերցվածները
Շուտով
Նոյեմբերի 16-ին՝ ժամը 16։30-ին, Հայելի ակումբի հյուրն է Հայկ Նահապետյանը Նոյեմբերի 16-ին՝ ժամը 15։00-ին, Հայելի ակումբի հյուրն է Նաիրա Զոհրաբյանը Նոյեմբերի 13-ին՝ ժամը 14։00-ին, Հայելի ակումբի հյուրն է Լարիսա Ալավերդյանը Նոյեմբերի 13-ին՝ ժամը 13։00-ին, Հայելի ակումբի հյուրն է Աշոտ Անդրեասյանը Նոյեմբերի 13-ին՝ ժամը 12։30-ին, Հայելի ակումբի հյուրն է Խաչիկ Մանուկյանը Նոյեմբերի 13-ին՝ ժամը 10։30-ին, Հայելի ակումբի հյուրն է Տիգրան Չոբանյանը Նոյեմբերի 12-ին՝ ժամը 14։00-ին, Հայելի ակումբի հյուրն է Անաստաս Իսրայելյանը Նոյեմբերի 12-ին՝ ժամը 13։00-ին, Հայելի ակումբի հյուրն է Դերենիկ Մալխասյանը Նոյեմբերի 12-ին՝ ժամը 12։00-ին, Հայելի ակումբի հյուրն է Նարինե Դիլբարյանը Նոյեմբերի 12-ին՝ ժամը 11։00-ին, Հայելի ակումբի հյուրն է Կարինե Նալչաջյանը
Հետևեք մեզ Viber-ում https://cutt.ly/5wn8sJBS
Hayeli.am