Արմեն Սարգսյանը Սերժ Սարգսյանի պահանջը չի՞ բավարարել
«Ժողովուրդ» թերթը գրում է. «Թեև Մեծ Բրիտանիայում ՀՀ դեսպան, ՀՀ նախագահի ՀՀԿ թեկնածու Արմեն Սարգսյանի հետ իշխանությունները մեծ հույսեր են կապում նաև օտարերկրյա ներդրումներ ներգրավելու հարցում, այնուամենայնիվ, իրողությունն այն է, որ այդ երկրի հետ մեր տնտեսական հարաբերություններն այնքան էլ գոհացուցիչ չեն: «Ժողովուրդ» օրաթերթը պաշտոնական աղբյուրներից տեղեկացավ, որ Մեծ Բրիտանիան, որտեղ ՀՀ դեսպանը Արմեն Սարգսյանն է, էապես նվազեցրել է ՀՀ ներդրումները: Ըստ ԱՎԾ-ի` Բրիտանիայից 2017 թվականի երրորդ եռամսյակում /տարեկան տվյալները դեռ ամփոփված և ներկայացված չեն/ ուղղակի ներդրումները կազմել են 1 մլրդ 846 մլն դրամ, մինչդեռ, 2016-ին 32 մլրդ 276 մլն դրամ էր։ Ու ստացվում է, որ այդ ընթացքում Բրիտանիան ավելի քան 30 մլրդ դրամի չափով նվազեցրել է իր ներդրումները: Հիշեցնենք, որ Սերժ Սարգսյանը մեկ անգամ չէ, որ դեսպաններից պահանջել է ակտիվացնել տնտեսական կապերը և ներդրումներ բերել Հայաստան: Փաստորեն, Արմեն Սարգսյանը նրա պահանջը չի բավարարել»:
Հետևեք մեզ Viber-ում
