Մենք խնդիր չունենք Ալիևի ամեն ասածին պատասխանելու.Շ.Քոչարյան
«Նորություն չէ, որ հանդիպումներից առաջ, ընթացքում կամ հետո, որպես կանոն, Ադրբեջանը ակտիվացնում է իր գործողությունները :Կարելի է մի ենթադրություն անել, որ վերջին հանդիպումը արտգործնախարարների հետ, որտեղ Ադրբեջանը ստիպված գնաց որոշակի քայլերի՝ ուղղված Կասպշիկի խմբի ընդլայնման հետ, իրեն ձեռնտու չէր և այդպես է արտահայտում իր դժգոհությունը, բայց մյուս կողմից պարտադրված գնում է այն քայլերի, որոնք նախանշված են դեռևս Վիեննայի պայմանավորվածությամբ», -կառավարության նիստից հետո լրագրողների հետ զրույցում ասաց ՀՀ ԱԳ նախարարի տեղակալ Շավարշ Քոչարյանը:
«Հայաստանն իր հերթին ամեն ինչ անում է, որպեսզի պահպանի ռազմական բալանսը, ներառյալ նաև օգտվելով մեր դաշնակից Ռուսաստանի հնարավորություններից՝ ընդ որում շատ ավելի մատչելի գներով՝ ստանում է սպառազինություն: Մենք խնդիր չունենք Ալիևի ամեն ասածին պատասխանելու, մենք խնդիր ունենք պահպանելու ռազմական բալանսը, ինչի ուղղությմաբ քայլեր արվում են», -հարցին,թե Ադրբեջանի նախագահ Ալիևի հայտարարությանը, թե Ադրբեջանը որևէ սահմանափակում չունի Ռուսաստանից զենք գնելու հարցում ու հարցին, թե որը կլինի հայկական կողմի պատասխանը այդ ասվածին,պատասխանեց Քոչարյանը:
Հետևեք մեզ Viber-ում
