Ավետ Կոնջորյանը 2022 թ-ին ինձանից պարտքով փող էր խնդրում, հիմա էդ 65 մլն-ը, էդ շքեղ, գերշքեղ տները նրանց որտեղի՞ց. Թաթուլ Ասիլյան

ՔՊ-ից հեռացված Թաթուլ Ասիլյանն արդեն մի քանի օր է անդրադառնում է Հայկ Կոնջորյանի եղբոր՝ Ավետ Կոնջորյանի հետ տեղի ունեցած աղմկահարուց դեպքին։ Իր ֆեյսբուքյան հրապարակումներից մեկում նա պատմում է, որ 2022 թ-ին որպես կանոն ինքն է «փակել հաշիվը», երբ ինքը Ավետ Կոնջորյանի հետ որևէ տեղ ճաշելու էր գնում։

«90 տոկոս դեպքերում ես եմ հաշիվը փակել, էն ժամանակ Ավետ Կոնջորյանը ռուսական ավտո էր քշում՝ «15» է կոչվում, կամ «16», ինձ էլ ասում էր՝ պարտքեր ունեմ, կարողա կարողանանք 2500 դոլարով ծախենք։ Բազմաթիվ անգամ էդ տղեն՝ Ավետ Կոնջորյանը, ինձանից պարտքով գումար է խնդրել։ Հիմա ես եմ ուզում էդ հարցը տամ, ոնց եղավ որ 4 տարվա մեջ կա մարդ, որ Ավետ Կոնջորյանին կարա 65 մլն դրամ պարտք լինի»,-ասել է նա՝ հարց ուղղելով ՔՊ-ականներին, թե ինչու նրանց մեջ չկան, մարդիկ որ Կոնջորյաններին հարց ուղղեն՝ որտեղից նրանց այդ գումարը, բա էդ բնակարնները որտեղից։

Մեկ այլ տեսանյութում էլ Ասիլյանը կրկին անդրադառնալով Ավետ Կոնջորյանի վարքագծին՝ նա հարց է ուղղել. «Բա մինչև Ծառուկյանի գրկից ՔՊ թռնելը ինչու մարդկանց տան մոտով անցնելը ինչի չէին հայհոյում; Էդ ո՞վ է նրանց էդքան դուխ տվել, որ սովորական քաղաքացու կողքով կարող են անցնել ու քրֆեն, ով է էդ դուխը իրենց տվել»,-ասաց Ասիլյանը ու պնդում, որ Փաշինյանի անունից նա անգամ իրենից է գումար ուզել։

Նշենք, որ ԱԺ փոխխոսնակի ՔՊ-ի թեկնածու Հայկ Կոնջորյանի եղբորը օրեր առաջ դաժանաբար ծեծել են եւ մասնակիցների թվում կրկին քպականներ են, Աբովյանի ավագանու անդամներ։ Նշվում է, որ եղել է գումարային վեճ, եւ որ Կոնջորյանի եղբայրը տարբեր օրերի ավտոմեքենայով անցել է մյուս կողմի տան մոտով ու հայհոյանքներ հնչեցրել։ «Ծեծը չեմ արդարացնում, բայց իր արարքն էլ դատապարտելի է»,- նշել է Ասիլյանը։

Աղբյուր՝ Փաստինֆո