Իմ 2 ընկերներն այս տմարդի իշխանության կողմից, ըստ էության, պատանդառված են
Քաղաքագետ, ԴԱԿ կուսակցոթյան նախագահ Սուրեն Սուրենյանցն իր Տելեգրամի ալիքում շնորհավորել է ՀՀԿ փոխնախագահ Արմեն Աշոտյանի ծննդյան տարեդարձը.
«Ծնունդդ շնորհավոր, եղբա՛յր. այս ծանր օրերն անպայման անցնելու են։ Այս օրերն ինձ համար ծանր են։
Իմ երկու ընկերները՝ Գագիկ Ծառուկյանն ու Արմեն Աշոտյանը, այս տմարդի իշխանության կողմից, ըստ էության, պատանդառված են։ Նրանց նկատմամբ իրականացվող քաղաքական հետապնդումն արդեն վաղուց հատել է իրավունքի և բարոյականության բոլոր սահմանները՝ վերածվելով արժանապատվության, քաղաքական այլախոհության դեմ պայքարի։
Այսօր Արմեն Աշոտյանի ծննդյան օրն է։
Արմենը ուղղակի քաղաքական գործիչ չէ։
Նա նվիրված ընկեր է, բացառիկ տաղանդով օժտված անհատականություն, լայն մտահորիզոն ունեցող ինտելեկտուալ՝ բառի ամենաիսկական իմաստով։ Նա այն մարդկանցից է, որոնց հետ յուրաքանչյուր հանդիպում մտավոր հարստացում է, իսկ յուրաքանչյուր զրույց՝ գաղափարների և արժեքների շուրջ անկեղծ ու խորքային քննարկում։
Սիրելի՛ Արմեն, սրտանց շնորհավորում եմ ծննդյանդ օրը։
Հավատում եմ, որ այս ծանր օրերն անպայման անցնելու են։ Անարդարությունը չի կարող հավերժ լինել, իսկ ճշմարտությունն ու արդարությունը, որքան էլ ուշ, ի վերջո հաղթանակելու են։
Վստահ եմ, որ շուտով կրկին միասին ենք լինելու՝ ավելի ամուր, ավելի իմաստուն և ավելի վճռական։ Միասին շարունակելու ենք կերտել այն Հայաստանը, որն արժանի է մեր նահատակ եղբայրների լուսավոր հիշատակին, մեր ժողովրդի արժանապատվությանը և մեր երեխաների ամենանվիրական երազանքներին։
Ծնունդդ շնորհավոր, եղբա՛յր։
Քեզ՝ առողջություն, տոկունություն, ուժ և անսասան կամք»։
Հետևեք մեզ Viber-ում
